Молитвагосподн я icon

Молитвагосподн я



НазваниеМолитвагосподн я
страница1/2
Дата конвертации21.09.2012
Размер452.87 Kb.
ТипДокументы
  1   2

МОЛИТВЫ



М О Л И Т В А Г О С П О Д Н Я

ОТЧЕ наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Примечание моё: «насущный» – перевод с греч. не точен. Не хлеб насущный, как таковой, а хлеб «над-сущный» - что имеет расширительное толко вание, как говорится, - не хлебом единым.

+ + +

С И М В О Л В Е Р Ы

Верую во единого Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшаго пророки. Во едину Святую Соборную и Апостольскую Церковь. Исповедую едино крещение во оставление грехов. Чаю воскресения мертвых и жизни будущаго века. Аминь.

+ + +

ВЕЛИКИЙ РАСКОЛ. 950 лет разделения между Восточной и Западной Церквами...

Читая первые «прения с латинянами», поражаешься глубине и точности осознания причин разделения. Первое и главное отступление от истины православного исповедания – это вставка католиками в Символ веры так называемого Filioque. Как писал преподобный Феодосий: «А глаголют Духа Святаго исходящего от Отца и от Сына». Второй важнейший пункт: служение Евхаристии на пресном хлебе, «опресноках».

+ + +

^ ПЕСНЬ П Р Е С В Я Т О Й Б О Г О Р О Д И Ц Е

БОГОРОДИЦЕ ДЕВО, радуйся, БЛАГОДАТНАЯ МАРИЕ, ГОСПОДЬ с ТОБОЮ; благословенна Ты в женах и благословен плод чрева Твоего, яко Спаса родила еси душ наших.

+ + +

М О Л И Т В А ко ПРЕСВЯТОЙ ТРОИЦЕ

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради. Господи, помилуй. Господи, помилуй. Господи, помилуй. Слава Отцу и Сыну и Святому Духу. Аминь.

Примечание. Молитвы начинать со слов:»Во имя Отца, и Сына, и Святаго Духа. Аминь».


+ + +

^ МОЛИТВА ОТ ЧАРОДЕЙСТВА, КОЛДОВСТВА, ПОРЧИ

Господи, Иисусе Христе, Сыне Божий, огради мя святыми Твоими ангелы, молитвами Всепречистыя Владычицы нашея Богородицы и Приснодевы Марии силою Честнаго и Животворящаго Креста, святаго архистратига Божия Михаила и прочих Небесных сил бесплотных, святаго пророка, Предтечи и Крестителя Господня Иоанна, святаго апостола и евангелиста Иоанна Богослова, священномученика Киприана и мученицы Иустины, святителя Николая –Архиепископа Мир Ликийских-чудотворца, святителя Льва-епископа Катанскаго, святителя Никиты Новгородскаго, святителя Иоасафа Белгородскаго, святителя Митрофана Воронежскаго, преподобнаго Сергия, игумена Радонежскаго и всея Руси, преподобных Зосимы, Савватия и Григория Соловецких, преподобнаго Серафима Саровскаго-чудотворца, святых мучениц Веры, Надежды Любови и матери их Софии, святаго мученика Трифона, святых и праведных богоотец Иоакима и Анны и всех святых Твоих, помози мне недостойному (недостойной) рабу (рабыне) Твоему (Твоей)-(имя молящегося, или молящейся), избави мя от всех навет вражних, от всякаго зла, колдовства, волшебства, чародейства и от лукавых человек, да не возмогут они причинити мне никоего зла.

Господи, светом Твоего сияния сохрани мя заутра, и полудне, и вечер, и на сон грядущаго, и силою благодати Твоея отврати и удали всякая злая нечестия, действуемая по наущению диавола Аще кое зло замыслено или седелано есть, возврати его паки в преисподнюю. . .

Яко Твое есть царство, и сила, и слава, Отца и Сына и Святаго Духа. Аминь.

+ + +

^ МОЛИТВА ПРОТИВ АНТИХРИСТА

Избави мя, Господи, от облщения бегамерзкаго и злохитраго антихриста, близгрядущаго, и укрой меня от сетей его в сокровенной пустыне Твоего спасения. Даждь ми, Господи, крепость и мужество твердаго исповедания имени Твоего святаго, да не отступлю страха ради диавольскаго, да не отрекусь от Тебя, Спасителя и Искупителя моего, от Святей Твоей Церкви. Но даждь мне, Господи, день и ночь плач и слезы о грехах моих, и пощади мя, Господи, в час Страшнаго Суда Твоего. Аминь.

+ + +

^ Есть другой вариант этой молитвы:

Господи, Иисусе Христе, Сыне Божий! Избави мя от обольщения близгрядущего, богомерзкого и злохитрого антихриста и укрой мя от коварных сетей его и от всех козней его в сокровенной пустыне Твоего спасения. И подаждь ми, Господи, крепость и помощь благодатную, дабы не убояться мне страха диавольского паче страха Божия, и дабы не отступить мне от исповедания имени Твоего Святого и от Святой Твоей Церкви, и не отречься от Тебя, яко Иуда. Но даждь мне, Господи, лучше пострадать и умереть за Тебя и за веру православную, но не изменить Тебе. Даждь мне, Господи, день и ночь плач и слезы о грехах моих, и пощади мя, Господи, в час страшного суда Твоего. Аминь.

Моё примечание: тут явно присутствует цель перевести молитву с церковно-славянского на современный русский язык. И при этом «подредактировать», »усилить» заклинание над антихристом. Но точного перевода нет, получилась смесь, многие слова остались из церковно-славянского то есть, из первоисточника святой молитвы. Вот тут и следует, на мой взгляд, читать.

+ + +

Отрицаюсь тебя, сатана, гордыне твоей и служению тебе, и сочетаюсь Тебе, Христе, во имя Отца и Сына и Святаго Духа. Аминь.

Крест Христов на весь мир, освященный Благодатию и Кровию Господа нашего Иисуса Христа, дан нам оружием на всех врагов наших видимых и невидимиых во имя Отца и Сына и Святаго Духа. Аминь.

+ + +

А также кропи на все четыре стороны святой водой и говори:

Во имя Отца и Сына и Святаго Духа окроплением воды сия священныя да претворится в бегство все лукавое, бесовское действо. Аминь.

+ + +

^ МОЛИТВА (читается трижды)

О святый угодниче Божий, священномучениче Киприане, скорый помощниче и молитвенниче о всех к тебе прибегающих! Приими от нас, недостойных, хваление сие; испроси у Господа Бога в немощех укрепление, в болезнех исцеление, в печалех утешение и всем вся полезная в жизни нашей; вознеси ко Господу благомощную твою молитву! Да оградит нас от падений греховных, да научит нас истинному покаянию, да избавит нас от пленения диавольскаго и всякаго действа духов нечистых, и укротит обидящих нас.

Буди нам крепкий поборник на вся враги видимыя и невидимыя; подаждь нам терпение в искушениих; и в час кончины нашея яви нам заступление от истязателей на воздушных мытарствех; да водимии тобою достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.

(Напоминаю: прочитать трижды. И вслед за этим:)

Избранный от диавольскаго служения на служение истинному Богу и к лику святых сопричтенный, священномучениче Киприане, моли Христа Бога избавитися нам от сетей лукаваго и победити мир и плоть диавола; да зовем ти: Радуйся священномучениче Киприане, скорый помощниче и молитвенниче о душах наших. Ангельския силы удивишася, како от художества волшебнаго обратился еси, богомудре Киприане, к познанию Божественному, покаянием обрел еси ангельское безстрастное житие. Мы же, обращению твоему дивящеся, вопием ти таковая:

Радуйся, обращением твоим ангелов удививый;

Радуйся, лик святых возвеселивый;

Радуйся, мудрость свою показавый;

Радуйся, за Христа венец приявый;

Радуйся, яко тобою беси отгоняются;

Радуйся, яко тобою все болезни исцеляются;

Радуйся, священномучениче Киприяне, скорый помощниче и молитвенниче о душах наших.

+ + +

^ МОЛИТВА «ДА ВОСКРЕСНЕТ БОГ»

ДА ВОСКРЕСНЕТ БОГ, и расточатся врази Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога, и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата.

О Пречестный и Животворящий Крест Господень Помогай ми со Святою Госпожею Девою Богородицею и со всеми святыми во веки. Аминь.

+ + +

Иже крестом ограждаемы, врагу противляемся, не боящися того коварства и ловительства: яко бо гордый упразднися и попран бысть на древе силою распятаго Христа. Крест Твой, Господи, освятися - тем бо бывают исцеления немоществующим грехми. Сего ради к Тебе припадаем, помилуй нас. Господи! Оружие на диавола Крест Твой дал еси нам: трепещет бо и трясется, не терпя взирати на силу его, яко мертвые возставляет и смерть упраздни! Сего ради поклоняемся погребению Твоему и возстанию.

+ + +

^ И чудный по своему содержанию ПСАЛОМ 90

Живый в помощи Вышняго, в крове Бога Небеснаго водворится. Речет:Господеви, Заступник мой еси и Прибежище мое, Бог мой, и уповаю на него. Яко Той избавит тя от сети ловчи и от словесе мятежна, плещма Своима осенит тя, и под криле Его надеешися:оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща и беса полуденнаго. Падет от страны твоея тысяща и тма одесную тебе, к тебе же не приближится, обаче очима твоими смотриши и воздаяние грешников узриши. Яко Ты, Господи, упование мое, Вышняго положил еси прибежище Твое:Не приидет к тебе зло и рана не приближится телеси твоему, яко ангелам Своим заповесть о тебе сохранити Тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби; изму его, и приславлю его, долготою дней исполню его, и явлю ему спасение Мое.

+ + +

^ МОЛИТВА СВЯТАГО СТАРЦА НЕКТАРИЯ ОПТИНСКАГО

Господи, Иисусе Христе, Сыне Божий, грядый судити живых и мертвых, помилуй нас, грешных, прости грехопадения всей нашей жизни, и ими же веси судьбами сокрый нас от лица антихриста в сокровенной пустыне спасения Твоего. Аминь.

^ Примечание: в Оптинской обители стояла наша часть, и я с женой жил в келье, и там родилась у нас дочь Людмила 19 окт. 1952 года.

+ + +

Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина чистая и благословенная.

+ + +

Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи: да зовем Ти: радуйся, Невесто Неневестная. Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою душы нашя. Все упование мое на Тя возлагаю, Мати Божия, сохрани мя под кровом Твоим. Богородице Дево, не презри мене грешнаго, требующа Твоея помощи и Твоего заступления: на Тя бо упова душа моя, и помилуй мя. Упование мое- Отец, прибежище мое-Сын, покров мой – Дух Святый. Троице Святая, слава Тебе.

+ + +

Достойно есть, яко воистину блажити Тя, Богородицу, присноблаженную и пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу, и Сыну, и Святому Духу. Аминь.

Господи, помилуй. Господи, помилуй. Господи, помилуй.

+ + +

^ ГОСПОДИ, БЛАГОСЛОВИ.

Господи Иисусе Христе, сыне Божий, молитв ради Пречистыя Твоея Матере, преподобных и Богоносных отец наших и всех святых, помилуй нас. Аминь.

+ + +

Пресвятая Владычице моя Богородице, святыми Твоими и всесильными мольбами отжени от мене смиреннаго и окаяннаго раба Твоего уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего: и погаси пламень страстей моих, яко нищ есмь и окаяненъ и избави мя от многих и лютых воспоминаний и предприятий, и от всех действ злых свободи мя: яко благословенна еси от всех родов, и славится пречестное имя Твое во веки веков. Аминь.

+ + +

Воспеваю благодать Твою, Владычице, молю Тя, ум мой облагодати. Ступати право мя настави путю Христовых заповедей. Бдети к песни укрепи, уныния сон отгоняющи. Связана пленницами грехопадений мольбами Твоими разреши, Богоневесто. В нощи мя и во дни сохраняй, борющих враг избавляющи мя. Жизнодателя Бога рождшая, умерщвлена мя страстьми оживи. Яже свет невечерний рождшая, душу мою ослепшую просвети. О дивная Владычня палато, дом духа Божественна мене сотвори. Врача рождшая, уврачуй души моея многолетныя страсти. Волнующася житейскою бурею, ко стези мя покаяния направи. Избави мя огня вечнующаго, и червия же злаго, и тартара. Да мя не явиши бесом радование, иже многим грехом повинника. Нова сотвори мя обветшавшаго нечувственными, Пренепорочная, согрешения. Странна муки всякия покажи мя, и всехъ владыку умоли. Небесная ми улучити веселия со всеми святыми сподоби. Пресвятая Дево, услыши гласъ непотребнаго раба Твоего. Струю давай мне слезам, Пречистая, души моея скверну очищающи. Стенания от сердца приношу Ти непрестанно, усердствуй Владычице. Молебную службу мою приими и Богу благоутробному принеси. Превышшая ангел, мирскаго мя превышша слития сотвори. Светоносная сене небесная, духовную благодать во мне направи. Руце во здею и устне къ похвалению оскверненны скверною, Всенепорочная. Душетленных мя пакостей избави, Христа прилежно умоляющи:Ему же честь и поклонение подобает, ныне и присно, и во веки веков, аминь.

+ + +

РОЖДЕСТВО ПРЕСВЯТЫЯ БОГОРОДИЦЫ. 21 сентября.

Рождество Твое, Богородице Дево, радость возвести всей вселенней: из Тебе бо возсия Солнце правды Христос Бог наш, и разрушивъ клятву, даде благословение, и упразднив смерть, дарова нам живот вечный. Иоаким и Анна поношения безчадства, и Адам и Ева от тли смертныя свободистася, Пречистая, во святем рождестве Твоем. То празднуютъ и людие Твои, вины прегрешений избавльшеся, внегда звати Ти: неплоды раждаетъ Богородицу и пита тельницу жизни нашея.

+ + +

ПОКРОВ ПРЕСВЯТОЙ БОГОРОДИЦЫ. 14 октября.

Днесь благоверные людие светло празднуем, осеняеми Твоимъ, Богомати, пришествием, и к Твоему взирающе пречистому образу, умильно глаголем: покрый нас честным Твоим покровом, и избави нас от всякаго зла, молящи Сына Твоего Христа Бога нашего, спасти душы нашя. Дева днесь предстоит в церкви, и с лики святых невидимо за ны молится Богу: Ангели со архиереи покланяются, апостоли же со пророки ликовствуют: нас бо ради молитъ Богородица превечнаго Бога.

+ + +

^ КАЗАНСКИЯ ИКОНЫ ПРЕСВЯТЫЯ БОГОРОДИЦЫ

Заступнице усердная, Мати Господа Вышняго!За всех молиши Сына Твоего Христа Бога нашего и всем твориши спастися, в державный Твой покров прибегающымъ:всех нас заступи, о Госпоже, Царице и Владычице, иже в напастех и в скорбех и в болезнех обремененных грехми многими, предстоящих и молящих Тебе умиленною душею и сокрушеннымъ сердцемъ предъ пречистымъ Твоим образомъ со слезами, и невозвратно надежду имущихъ на Тя избавления всехъ золъ, всем полезная даруй, и вся спаси, Богородице Дево:Ты бо еси Бо жественный покров рабомъ Твоимъ.

+ + +

ВХОД ВО ХРАМ ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ. 4 декабря.

Днесь благословения Божия предображение и человеков спасения проповедание:в жраме Божии ясно Дева является, и Христа всем предвозвещает. Той и мы велегласно возопиимъ: радуйся, смотрения Зиждителева исполнение. Пречистый храм Спасовъ, многоценный чертогъ и Дева, священное сокровище славы Божия, днесь вводится в дом Господень, благодать совводящи, яже в Дусе Божественнем, Юже воспевают Ангели Божии: Сия есть селение небесное.

+ + +

В Е Л И Ч А Н И Е

Величаем Тя, Пресвятая Дево, Богоизбранная Отроковице, и чтим еже в храм Господень вхожде ние Твое.

+ + +

РОЖДЕСТВО ГОСПОДА БОГА И СПАСА НАШЕГО ИИСУСА ХРИСТА. 7 января.

Рождество Твое, Христе Боже наш, возсия мирови свет разума: в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе. Дева днесь Пресущественнаго раждает, и земля вертепъ Неприступному приносит: Ангели с пастырьми славословят, волсви же со звездою путешествуют. Нас бо ради родися, Отроча младо превечный Богъ.

+ + +

^ БОГОЯВЛЕНИЕ, ИЛИ КРЕЩЕНИЕ ГОСПОДНЕ

Во Иордане крещающуся Тебе, Господи, Троическое явися поклонение: Родителев бо гласъ свидетельствоваше Тебе, возлюбленнаго Тя Сына именуя; и Духъ, в виде голубине, извествоваше словесе утверждение: явлейся Христосе Боже, и мир просвещей, слава Тебе. Явился еси днесь вселенней, и светъ Твой, Господи, знаменася на нас, в разуме поющих Тя: пришел еси и явился еси Свет неприступный.

+ + +

^ СРЕТЕНИЕ ГОСПОДНЕ

Радуйся, благодатная Богородице Дево, из Тебе бо возсия Солнце правды, Христос Бог наш, просвещаяй сущыя во тме:веселися и ты, старче праведный, приемый во объятия Свободителя душ нашихъ, дарующаго намъ воскресение. Утробу Девичу освятивый рождеством Твоим, и руце Симеоне благословивый, якоже подобаше, предварив и ныне спаслъ еси насъ, Христе Боже: но умири во бранех жительство, и укрепи православныя христианы, ихже возлюбил еси, едине Человеколюбче!


^ БЛАГОВЕЩЕНИЕ ПРЕСВЯТЫЯ БОГОРОДИЦЫ

Днесь спасения нашего главизна, и еже от века таинства явление, Сын Божий Сын Девы бывает и Гавриил благодать благовествует. Темже и мы с ним Богородице возопиим:радуйся Благодатная Господь с Тобою.

+ + +

Взбранной Воеводе победительная, яко избавльшеся от злых, благодарственная восписуем Ти раби твои, Богородице:но яко имущая державу непобедимую, от всяких нас бед свободи, да зовем Ти радуйся, Невесто Неневестная.

+ + +

УСПЕНИЕ ПРЕСВЯТЫЯ БОГОРОДИЦЫ. 28 августа.

В РОЖДЕСТВЕ ДЕВСТВО СОХРАНИЛА ЕСИ, во Успении мира не оставила еси, Богородице, преставилася еси к животу, Мати сущи Живота (жизни), и молитвами Твоими избавляеши от смерти душы нашя. В молитвах неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к Животу престави во утробу Вселивыйся присно девственную. Величаем Тя, Пренепорочная Мати Христа Бога нашего, и всеславное славим успение Твое.

+ + +

МОЛИТВА 1-я, СВ. МАКАРИЯ ВЕЛИКАГО (утро)

Боже, очисти мя грешнаго, яко николиже сотворих благое пред Тобою:но избави мя от лукаваго и да будет во мне воля Твоя:да неосужденно отверзу уста моя недостойная и восхвалю имя Твое Святое, Отца, и Сына, и Святаго Духа, ныне и присно, и во веки веков, аминь.

+ + +

МОЛИТВА 2-я, тогожде святаго: (утро)

От сна восстав, полунощную песнь приношу Ти, Спасе, и припадая вопию Ти:не даждь ми уснути во греховней смерти, но ущедри мя, распныйся волею, и лежащаго мя в лености ускорив возстави и спаси мя в предстоянии и молитве:и по сне нощнем возсияй ми день безгрешен, Христе Боже, и спаси мя.

+ + +

МОЛИТВА 3-я тогожде святаго: (утро)

К Тебе, Владыко Человеколюбче, от сна воставъ прибегаю, и на дела Твоя подвизаюся милосердием Твоим, молюся Тебе:помози мне на всякое время, во всякой вещи, и избави мя от всякия мирския злыя вещи, и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю, ныне и присно, и во веки веков, аминь.

+ + +

МОЛИТВА 4-я тагожде святаго: (утро)

Господи, иже многою Твоею благостию и великими щедротами Твоими дал еси мне рабу Твоему мимошедшее время нощи сея без напасти прейти от всякаго зла противна:Ты сам, Владыко, всяческих Творче, сподоби мя истинным Твоим светомъ и просвещенным сердцем творити волю Твою, ныне и присно, и во веки веков, аминь.

+ + +

МОЛИТВА 5-я Василия Великаго: (утро)

Господи Вседержителю, Боже сил и всякия плоти, в вышних живый и на смиренныя презираяй, сердца же и утробы испытуяй и сокровенная человеков яве предведый, Безначальный и Присносущный Свете, у Него же несть пременение, или преложения осенение:Сам, Безсмертный Царю, приими моления наша, яже в настоящее время на множество Твоих щедрот дерзающе, от скверных к Тебе устен творим; и остави нам прегрешения наша, я же делом, и словом, и мыслию, ведением или неведением согрешенная нами;и очисти ны от всякия скверны плоти и духа. И даруй нам бодренным сердцем и трезвенною мыслию всю настоящаго жития нощь прейти, ожидающым пришествия светлаго и явленнаго дне Единароднаго Твоего Сына, Господа и Бога и Спаса нашего Иисуса Христа, в оньже со славою Судия всех приидет, комуждо воздати по делом его: да не падше и обленившеся, но бодрствующе и воздвижени в делание, обрящемся готови, в радость и Божественный чертогъ славы Его совнидем, идеже празднующих глас непрестанный и неизреченная сладость зрящих Твоего лица доброту неизреченную. Ты бо еси истинный Свет, просвещаяй и освящаяй всяческая, и Тя поет вся тварь во веки веков, аминь.

+ + +

МОЛИТВА 6-я, тогожде св. Василия: (утро)

Тя благославим, вышний Боже и Господи милости, творящаго присно с нами великая же и неизследованная, славная же и ужасная, ихже несть числа, подавшаго нам сонъ во упокоение немощи нашея и ослабление трудов многотрудныя плоти. Благодарим Тя, яко не погубил еси нас со беззаконьми нашими, но человеколюбствовалъ еси обычно, и въ нечаянии лежащыя ны воздвигл еси, во еже славословити державу Твою. Темже молим безмерную Твою благость: просвети нашя мысли и очеса, и умъ наш от тяжкаго сна лености возстави, отверзи наша уста, и исполни я Твоего хваления, яко да возможем непоколеблемо пети же и исповедатися Тебе, во всех и от всех славимому Богу, Безначальному Отцу, со Единородным Твоим Сыном, и всесвятым, и благим, и животворящим Твоим Духом, ныне и присно, и во веки веков Аминь.

+ + +

^ МОЛИТВА КО ГОСПОДУ НАШЕМУ ИИСУСУ ХРИСТУ

МНОГОМИЛОСТИВЕ и ВСЕМИЛОСТИВЕ Боже мой, Господи Иисусе Христе, многия ради любве сшел и воплотился еси, яко да спасеши всех: и паки, Спасе, спаси мя по благодати, молю Тя. Аще бо от дел спасеши мя, несть се благодать и дар, но долг паче. Ей, многий в щедротах и неизреченный в милости! Веруяй бо в Мя, рекл еси, о Христе мой, жив будет и не узрит смерти во веки. Аще убо вера, яже в Тя, спасает отчаянныя, се верую - спаси мя, яко Бог мой еси Ты и Создатель. Вера же вместо дел да вменится мне, Боже мой: не обрящеши бо дел отнюдь оправдающих мя. Но та вера моя не довлеет вместо всех, та да отвещает, та да оправдит мя, та да покажет мя причастника славы Твоея вечныя, да не убо похитит мя сатана, и похвалится, Слове, еже отторгну ти мя от Твоея руки и ограды. Но или хощу, спаси мя, или не хощу, Христе Спасе мой, предвари скоро, скоро погибох:Ты бо еси Бог мой от чрева матери моея. Сподоби мя, господи, ныне возлюбити Тя, якоже возлюбих иногда той самый грех, и паки поработати Тебе без лености тощно якоже поработах прежде сатане льстивому. Наипаче же поработаю Тебе, Господу и Богу моему Иисусу Христу, во вся дни живота моего, ныне и присно, и во веки веков. Аминь.

+ + +

МОЛИТВА ко святому АНГЕЛУ ХРАНИТЕЛЮ

Святый Ангеле, предстояй окаянней моей души и страстней моей жизни, не остави мене грешнаго, ниже отступи от мене за невоздержание мое: не даждь место лукавому демону обладати мною насильством смертнаго сего телесе: укрепи бедствующую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости еликими тя оскорбих во вся дни живота моего, и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем греxе прогневаю Бога:и молися за мя ко Господу, да утвердит мя в страxе Своем, и достойна покажет мя, раба, Своея благости, аминь.

+ + +

Из молитвы иеросхимонаха Парфения Киевскаго (отрывок)

Господи, отыми от меня праздность духа, погубляющую время;суетность мыслей, мешающую Твоему присутствию и развлекающую внимание мое в молитве; если же, молясь, я уклоняюсь от Тебя моими помыслами, то помоги мне, дабы сие развлечение было не произвольно, и, отвращая ум, да не отвращу сердце от Тебя. Научи меня, Господи, располагать дела свои так, чтобы они споспешествовали к прославлению имени Твоего Святаго. Господи, молю Тебя особенно о тех, которые меня чем либо обидели и опечалили или какое либо зло сделали:не наказывай их меня-ради грешнаго, но пролей на них благость Твою. . .

Господи! сотвори сей день днем милосердия Твоего, подай каждому по прошению его; буди пастырем заблудших, вождем и светом неведущих, наставником немудрых, отцом сирых, помощником угнетенных, врачем больных, утешителем умирающих, и приведи нас всех к желанному концу - к Тебе, Пристанищу нашему и блаженному Упокоению. Аминь.

+ + +

О Ж И В Ы Х (утро)

ПОМЯНИ, ГОСПОДИ, ИИСУСЕ ХРИСТЕ, БОЖЕ наш, милости и щедроты Твоя от века сущыя, ихже ради и вочеловечился еси, распятие и смерть, спасения ради право в Тя верующих, претерпети изволил еси: и воскрес из мертвых, вознеслся еси на небеса и седиши одесную Бога Отца, и призираеши на смиренныя мольбы всем сердцем призывающих Тя: приклони ухо Твое, и услыши смиренное моление мене, непотребнаго раба Твоего, в воню бла гоухания духовнаго, Тебе за вся люди Твоя приносящаго. И в первых помяни Церковь Твою Святую Соборную и Апостольскую, юже снабдел еси честною Твоею Кровию! Помяни, Господи, и помилуй страну нашу Российскую и православныя люди ея во отечестве и в разсеянии сущыя, страну сию и власти ея.

Спаси, Господи, и помилуй святейшия восточныя патриархи православныя, преосвященныя митрополиты, архиепископы и епископы православныя и весь священнический и монашеский чин и весь причет церковный, яже поставил еси пасти словесное Твое стадо, и молитвами их помилуй, и спаси мя грешнаго.

Поклон.

Спаси, Господи, и помилуй отца моего духовнаго (имя его), и святыми его молитвами прости моя согрешения.

Поклон.

Спаси, Господи, и помилуй родители моя (имена их), братию и сестры, и сродники моя по плоти, и вся ближния рода моего, и други, и даруй им мирная Твоя и премирная благая.

Поклон.

Спаси, Господи, и помилуй старцы и юныя, нищыя и сироты и вдовицы, и сущыя в болезнех и печалех, бедах же и скорбех, обстояниих и пленениих темницах же и заточениих, изрядне же в гонениих, Тебе ради и Веры православныя, от язык безбожных, от отступник и от еретиков, сущыя рабы Твоя: и помяни я, посети, укрепи, утеши, и вскоре силою Твоею ослабу, свободу и избаву им подаждь.

Поклон.

Спаси, Господи, и помилуй ненавидящыя и обидящыя мя, и творящыя ми напасти, и не остави их погибнути меня ради грешнаго.

Поклон.

Отступившыя от Православныя Веры и погибельными ересьми ослепленныя, светом Твоего познания просвети и Святей Твоей Апостольстей Соборней Церкви причти.

Поклон.

+ + +

О У С О П Ш И Х (утро)

Помяни, Господи, от жития сего отшедшия правоверныя цари и царицы, благоверныя князи и княгини, святейшыя патриархи, преосвященныя митрополиты, архиепископы и епископы православныя, во иерейстем же и в причте церковнем, и монашестем чине Тебе послужившия, и в вечных Твоих селениих со святыми упокой.

Поклон.

Помяни, Господи, душы усопших рабов Твоих, родителей моих (имена их) и всех сродников по плоти;и прости их вся согрешения вольная и не вольная, даруя им Царствие и причастие вечных Твоих благ и Твоея безконечныя и блаженныя жизни наслаждение.

Поклон.

Помяни, Господи, и вся в надежди воскресения и жизни вечныя усопшия отцы и братию нашу, и сестры, и зде лежащыя, и повсюду православныя христианы, и со святыми Твоими, идеже присещает свет лица Твоего, всели, и нас помилуй, яко благ и Человеколюбец. Аминь.

Поклон.

Подаждь, Господи, оставление грехов всем прежде отшедшым в вере и надежди воскресения, отцем, братиям и сестрам нашым, и сотвори им веч ную память.

(Трижды).

^ МОЛИТВЫ НА СОН ГРЯДУЩЫМЪ.

ВО ИМЯ ОТЦА И СЫНА И СВЯТАГО ДУХА. Аминь.

Господи Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и всех святых, помилуй нас. Слава Тебе, Боже наш, слава Тебе. Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, душы нашя.

Святый Боже, Святый крепкий, Святый безсмертный, помилуй нас. (трижды).

Слава Отцу и Сыну и Святому Духу, и ныне и присно, и во веки вековъ. Аминь.

Пресвятая Троице, помилуй нас:Господи, очисти грехи нашя; Владыко, прости беззакония наша; Святый, посети и исцели немощи нашя, имене Твоего ради.

Господи, помилуй. (трижды).

Слава Отцу и Сыну и Святому Духу, и ныне и присно, и во веки вековъ. Аминь.

Далее «Отче наш…»

Помилуй нас, Господи, помилуй нас:всякаго бо ответа недоумеюще, сию Ти молитву яко Владыце грешнии приносим: помилуй нас. Слава Отцу и Сыну и Святому Духу: Господи, помилуй нас, на Тя бо уповахом:не прогневайся на ны зело, ниже помяни беззаконий наших: но призри и ныне яко благоутробен, и избави ны от враг наших: Ты бо еси Бог наш, и мы людие Твои, вси дела руку Твоею, и имя Твое призываем. И ныне и присно и во веки вековъ. Аминь.

+ + +

Милосердия двери отверзи нам, Благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.

Господи, помилуй. (12 раз).

+ + +

Молитва 1-я св. Макария Великаго:

Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти, Господи, смиренную мою душу от всякия скверны плоти и духа. И даждь ми, Господи, в нощи сей сон прейти в мире, да востав от смиреннаго ми ложа, благоугожду пресвятому имени Твоему, во вся дни живота моего, и поперу борющыя мя враги плотския и безплотныя. И избави мя, Господи, от помышлений суетных, оскверняющих мя, и похотей лукавых. Яко Твое есть царство, и сила, и слава Отца и Сына, и Святаго Духа, ныне и присно, и во веки веков. Аминь.

+ + +

МОЛИТВА 2-я, св. АНТИОХА

Вседержителю, Слово Отчее, Сам совершен сый, Иисусе Христе, многаго ради милосердия Твоего никогдаже отлучайся мене раба Твоего, но всегда во мне почивай. Иисусе, добрый Пастырю Твоих овец, не предаждь мене крамоле змиине и желанию сатанину не остави мене: яко семя тли во мне есть. Ты убо, Господи Боже покланяемый, Царю Святый Иисусе Христе, спяща мя сохрани немерцающим светом, Духом Твоим Святым, Имже освятилъ еси Твоя ученики. Даждь, Господи, и мне, недостойному рабу Твоему, спасение Твое на ложи моем; просвети ум мой светом разума святаго евангелия Твоего, душу любовию Креста Твоего, сердце чистотою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко препрославлен еси со безначальным Твоим Отцем и с Пресвятым Духом во веки. Аминь.

+ + +

МОЛИТВА 3-я – СВЯТОМУ ДУХУ

Господи, Царю Небесный, Утешителю, Душе истины умилосердися и помилуй мя грешнаго раба Твоего, и отпусти ми недостойному, и прости вся, елика Ти согреших днесь, яко человек, паче же и не яко человек, но и горее скота; вольныя моя грехи и невольныя, ведомыя и неведомыя; яже от юности и от науки злы, и яже суть от нагльства и уныния. Аще именем Твоим кляхся, или похулихе в помышлении моем;или кого укорих, или оклеветах кого гневом моим, или опечалих, или о чем прогневахся, или солгах, или безгодно спах; или нищ прииде ко мне, и презрех его; или брата моего опечалих, или свадих, или кого осудих; или развеличахся, или разгордехся, или разгневахся; или стоящу ми на молитве, ум мой о лукавствии мира сего подвижеся; или развращение помыслих или объядохся, или опихся, или без ума смеяхся; или лукавое помыслих, или доброту чуждую видев и тою уязвен бых сердцем; или неподобная глаголах; или греху брата моего посмеяхся, моя же суть безчисленная согрешения; или о молитве нерадих; или ино что содеяв лукавое, не помню; та бо вся и больша сих содеях.

Помилуй мя, Творче мой, Владыко, унылаго и недостойнаго раба Твоего;и остави ми, и отпусти, и прости мя, яко благ и человеколюбец;да с миром лягу, усну и почию, блудный, грешный и окаянный аз, и поклонюся, и воспою, и прославлю пречестное имя Твое, со Отцем, и единородным Его Сыном, ныне и присно, и во веки. Аминь.

+ + +

МОЛИТВА 4-я, святаго МАКАРИЯ

Что Ти принесу? Или что Ти воздам, великодаровитый безсмертный Царю, щедре и человеколюбче Господи? Яко ленящася мене на Твое угождение, и ничтоже благо сотворша, привел еси на конец мимошедшаго дне сего, обращение и спасение души моей строя. Милостив ми буди грешному и обнаженному всякаго дела блага, возстави падшую мою душу, осквернившуюся в безмерных согрешениих; и отыми от мене весь помысл лукавый видимаго сего жития.

Прости моя согрешения, едине безгрешне, яже Ти согреших в сей день, ведением и неведением, словом, делом и помышлением, и всеми моими чувствы. Ты сам, покрывая, сохрани мя от всякаго сопротивнаго обстояния Божественною Твоею властию и неизреченным человеколюбием и силою.

Очисти, Боже, очисти множество грехов моих. Благоволи, Господи, избавити мя от сети лукаваго, и спаси страстную мою душу, и осени мя светом лица Твоего, егда приидеши во славе, и неосужденна ныне сном уснути сотвори, и без мечтания, и не смущен помысл раба Твоего соблюди, и всю сатанину детель отжени от мене, и просвети ми разумныя очи сердечныя, да не усну в смерть И посли ми Ангела мирна, хранителя и наставника души и телу моему, да избавит мя от враг моих; да востав со одра моего, принесу Ти бла годарственныя мольбы. Ей, Господи, услыши мя грешнаго и убогаго раба Твоего, изволением и совестию; даруй ми воставшу словесем Твоим поучитися, и уныние бесовское далече от мене отгнано быти сотвори Твоими ангелы; да благословлю имя Твое святое и прославлю;и славлю пречистую Богородицу Марию Юже дал еси нам грешным заступление, и приими Сию, молящуюся за ны. Вем бо, яко подражает Твое человеколюбие, и молящися не престает. Тою заступлением и честнаго Креста знамением, и всех святых Твоих ради, убогую душу мою соблюди, Иисусе Христе, Боже наш; яко свят еси, и препрославлен во веки. Аминь.

+ + +

М О Л И Т В А 5-я

Господи Боже наш, еже согреших во дни сем словом, делом и помышленем, яко благ и человеко любец, прости ми. Мирен сон и безмятежен даруй ми:Ангела Твоего хранителя посли, покрывающа и соблюдающа мя от всякаго зла: яко Ты еси хранитель душам и телесем нашым, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

+ + +

М О Л И Т В А 6-я

Господи Боже наш, в Негоже веровахом, и Егоже имя паче всякаго имене призываем, даждь нам, ко сну отходящим, ослабу души и телу, и соблюди нас от всякаго мечтания, и темныя сласти кроме;устави стремление страстей, угаси разжжения востания телеснаго;даждь нам целомудренне пожити делы и словесы;да, добродетельное жительство восприемлюще, обетованных не отпадем благих Твоих, яко благословен еси во веки. Аминь.

+ + +

МОЛИТВА 7-я, св. ИОАННА ЗЛАТОУСТА,

по числу часов дня и нощи

Господи, не лиши мене небесных Твоих благ.

Господи, избави мя вечных мук.

Господи, умом ли иль помышлением, словом или делом согреших, прости мя.

Господи, избави мя всякаго неведения и забвения, и малодушия, и окамененнаго нечувствия.

Господи, избави мя от всякаго искушения.

Господи, просвети мое сердце, еже помрачи лукавое по хотение.

Господи, аз яко человек согреших, Ты же яко Бог щедр, помилуй мя, видя немощь души моея.

Господи, посли благодать Твою в помощь мне, да прославлю имя Твое Святое.

Господи Иисусе Христе, напиши мя раба Твоего в книге животней и даруй ми конец благий.

Господи Боже мой, аще и ничтоже благо сотворих пред Тобою, но даждь ми по благодати Твоей положити начало благое.

Господи, окропи в сердце моем росу благодати Твоея.

Господи небесе и земли, помяни мя грешнаго раба Твоего, студнаго и нечистаго, во Царствии Твоем. Аминь.

Господи, в покаянии приими мя.

Господи, не остави мене.

Господи, не введи мене в напасть.

Господи, даждь ми мысль благу.

Господи, даждь ми слезы и память смертную и умиление.

Господи, даждь ми помыслъ исповедания грехов моих.

Господи, даждь ми смирение, целомудрие и послушание.

Господи, даждь ми терпение, великодушие и кротость.

Господи, всели в мя корень благих, страх Твой в сердце мое.

Господи, сподоби мя любити Тя от всея души моея и помышления и творити во всем волю Твою.

Господи, покрый мя от человек некоторых, и бесов, и страстей, и от всякия иныя неподобныя вещи.

Господи, веси, яко твориши, якоже Ты волиши да будет воля Твоя и во мне грешнем, яко благословен еси во веки. Аминь.


МОЛИТВА 8-я, ко Господу нашему ИИСУСУ ХРИСТУ


Господи Иисусе Христе, Сыне Божий, ради честнейшия Матере Твоея, и безплотных Твоих ангел, пророка же и Предтечи и Крестителя Твоего, Богоглаголивых же Апостол, светлых и добропобедных мученик, преподобных и Богоносных отец, и всех святых молитвами, избами мя настоящаго обстояния бесовскаго.

Ей, Господи мой и Творче, не хотяй смерти грешнаго, но якоже обратитися и житву быти ему, даждь и мне обращение окаянному и недостойному; изми мя от уст пагубнаго змия, зияющаго пожрети мя и свести во ад жива.

Ей, Господи мой, утешение мое, Иже мене ради окаяннаго, в тленную плоть оболкийся, исторгни мя от окаянства, и утешение подаждь души моей окаянней. Всади в сердце мое творити Твоя повеления, и оставити лукавая деяния, и получити блаженства Твоя: на Тя бо, Господи, уповах, спаси мя.

+ + +

МОЛИТВА 9-я, ко ПРЕСВЯТЕЙ БОГОРОДИЦЕ

(она есть в начале)

+ + +

МОЛИТВА 10-я, ко св. Ангелу Хранителю

Ангеле Христов, хранителю мой святый и покровителю души и тела моего, вся ми прости, елика согреших во днешний день; и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достой на мя покажеши благости и милости всесвятые Троицы и Матере Господа моего Иисуса Христа и всех святых. Аминь.

+ + +

МОЛИТВА СВ. ИОАННА ДАМАСКИНА, юже указуя на одр твой, глаголи:

Владыко Человеколюбче, неужели мне одр сей гроб будет; или еще окаянную мою душу просветиши днем? Се ми гроб предлежит, се ми смерть предстоит. Суда Твоего, Господи, боюся, и муки безконечныя, злое же творя не престаю: Тебе Господа Бога моего всегда прогневляю, и Пречистую Твою Матерь, и вся Небесные Силы, и святаго Ангела хранителя моего. Вем убо, Господи, яко недостоин есмь человеколюбия Твоего, но достоин есмь всякаго осуждения и муки. Но, Господи, или хощу, или не хощу, спаси мя. Аще бо праведника спасеши, ничтоже велие; и аще чистаго помилуеши, ничтоже дивно: достойни бо суть милости Твоея. Но на мне грешнем удиви милость Твою:о сем яви человеколюбие Твое. Да не одолеет моя злоба Твоей неизглаголанней благости и милосердию:и якоже хощеши, устрой о мне вещь.

^ И ТАКО ХОТЯЙ ВОЗЛЕШИ НА ОДРЕ, ГЛАГОЛИ СИЕ:

Просвети очи мои, Христе Боже, да не когда усну в смерть, да не когда речет враг мой: укрепихся на него. Заступник души моея буди, Боже, яко посреде хожду сетей многих; избави мя от них, и спаси мя, Блаже, яко Человеколюбец.

Преславную Божию Матерь и святых ангел святейшую немолчно воспоим, сердцем и усты Богородицу сию исповедающе, яко воистину рождшую нам Бога воплощенна, и молящуюся непрестанно о душах наших.

+ + +

Ненавидящих и обидящих нас прости, Господи Человеколюбче. Благотворящим благосотвори. Братиям и сродникам нашим даруй яже ко спасению прошения и жизнь вечную: в немощех сущия посети и исцеление даруй. Иже на мори управи.

Путешествующим спутешествуй. Православным христианом споборствуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости.

Помяни, Господи, прежде усопших отец и братий наших, и упокой их идеже присещает свет лица Твоего.

Помяни, Господи братий наших плененных, и избави я от всякаго обстояния.

Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную.

Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих:молитвами Всепречистыя Владычицы нашея Богородицы и Приснодевы Марии, и всех Твоих святых, яко благословен еси во веки веков. Аминь.

+ + +

П С А Л О М 50 (утро)

Помилуй мя, Боже, по велицей милости Твоей и по множеству щедрот Твоих очисти беззаконие мое.

Наипаче омый мя от беззакония моего, и от греха моего очисти мя: яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда, судити Ти. Се бо, во гресех зачат есмь, и во гресех роди мя мати моя. Се бо, истину возлюбил еси:безвестная и тайная премудрости Твоея явил ми еси.

Окропиши мя иссопом, и очищуся, омыеши мя, и паче снега убелюся.

Слуху моему даси радость и веселие:возрадуются кости смиренныя.

Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей.

Не отвержи мене от лица Твоего, и Духа Твоего Святаго не отъими от мене.

Воздаждь ми радость спасения Твоего и Духом Владычним утверди мя.

Научу беззаконныя путем Твоим, и нечестивии к Тебе обратятся.

Избави мя от кровей, Боже, Боже спасения мое го:возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит.

Ублажи, Господи, благоволением Твоим Сиона, и да созиждются стены Иерусалимския. Тогда благоволиши жертву правды, возношения и всесожигаемая: тогда возложат на олтарь Твой тельцы.

+ + +


Выписки из «ЛГ», 2-8. 04. 2003 г.

Дисциплина нужна, чтобы мы строго соблюдали пост, застывали в храме от «Трисвятого» и по «Отче наш», совершали земной поклон после «Достойно есть», выучили хотя бы «Символ веры». Речь идёт о церковном возрождении – без дисциплины это останется поверхностной модой, ханжеством и самоуспокоением. Каждый христианин – воин Христа, а что за война без подтянутости, знания устава, беспрекословного подчинения начальству. . .

Сегодня мы ставим перед собой сложную дилемму либо «свобода от», либо «дисциплина во имя ничего». Как свобода должна быть «для», так и дисциплина должна иметь цель. Дисциплина нужна для того, чтобы по-новому - с самого начала – осмыслить «кто мы?», «где мы?», «откуда мы?», «куда мы?». Ведь сегодня ничего не очевидно, ничего не ясно, ничего не определено. Если мы встанем на новый путь дисциплины, мы будем весомы, достойны, опасны врагам, ценны друзьям. А без этого сгинем.

* * *

О Боже! дай мне воли силу,

Ума сомненье умертви,

И я сойду во мрак могилы

При свете веры и любви.

Мне сладко под Твоей грозою

Терпеть т плакать, и страдать;

Молю: оставь одну со мною

Твою святую благодать.

Н. С. Никитин.

* * *

Пошли нам, Господи, терпенье

В годину буйных мрачных дней

Сносить народное гоненье

И пытки наших палачей.

Дай крепость нам, о Боже Правый,

Злодейство ближнего прощать,

И крест тяжелый и кровавый

С Твоею кротостью встречать.

И в дни мятежного волненья,

Когда ограбят нас враги,

Терпеть позор и оскорбленья,

Христос Спаситель, помоги.

Владыка мира, Бог вселенной,

Благослови молитвой нас

И дай покой душе смиренной

В невыносимый страшный час.

И у преддверия могилы

Вдохни в уста Твоих рабов

Нечеловеческие силы

Молиться кротко за врагов.

(Из альбома святой Великой княжны Ольги Николаевны, +1918)

+ + +

^ МОЛИТВА БОЖЬЕЙ МАТЕРИ

Мира заступница, Мати всепетая!

Я пред Тобою с мольбой:

Бедную грешницу, мраком одетую,

Ты благодатью укрой.

Если постигнут меня испытания,

Скорби, утраты, враги -

В трудный час жизни,

в минуту страдания,

Ты мне, молю, помоги.

Радость духовную, жажду спасения

В сердце мое положи;

В Царство Небесное, в мир утешения

Путь мне прямой укажи.

  1   2




Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов