Собрание о титле на Кресте icon

Собрание о титле на Кресте



НазваниеСобрание о титле на Кресте
Дата конвертации31.08.2012
Размер128.37 Kb.
ТипДокументы
1. /title.docСобрание о титле на Кресте

А. Денисов

Собрание о титле на Кресте


Собрание в показание желающим ведети о надписании животворяющаго Креста, во объявление же хулити дерзающим несоизволяющие писати четыре буквы I. Н. Ц. I. за Пилатово написание, писанное в распятие Христово треми языки: еврейски, гречески, римски: Iсус Назарянин, царь июдейский, еже они, умствующе, вместо целых речений четырьми буквами точию и вместо трёх языков единема словенскими исполнити. Вопрошаеми же: кто тогда от святых по Распятии Христове на Кресте оно Пилатово написание четырьми буквами вообрази? Или в коем церковном предании предадеся и засвидетельствовася тако писати? Сего не показующе, а иже по преданию церковному надписание вообразующие Животворящему Кресту «Царь Славы IС. ХС. ника», прежде поминовенныя же четыре буквы не пишущие, за ради опасения, понеже у святых не обретеся тако писано: тые они гаждающе и аки преступники. Сего ради написася зде от свидетельств церковных, яко древле святая Божия соборная и апостольская церковь имеяше на Кресте Христове надписание кроме четырех букв, их же за Пилатово написание воображают.

Устав, еже есть «Око церковное», избран святыми отцы от многих Типик: Иерусалимскаго, и Святыя горы, и от Студитова, и от многих святых отец, и от Вселенских святых соборов, и предан святой Божией церкви, в нем же в чине о панагии во главе 53-й напечатан Крест, како его на хлебе Пречистыя воображати; надписание к нему «Царь Славы IС. ХС. ника».

Вонмите зде: от вселенских святых соборов и от прочих святых отец предано во всю вселенную Божией церкви на хлебе панагии Крест имети без Пилатова написания. Еда сии презреша евангельское повеление? Или не узнаша его? Смеемо ли так кому помыслити?

Еще же в книзе Потребнице печатном: иже имать в себе духовнаго чина власть, рекше вся чины и последования, бываемыя от иерей, яже глаголю: святыя тайны, предуставленныя от Спасителя нашего Христа и святых Его духоносных ученик, и апостол, и святых богоносных отец, и учитель, - освящение святым Божиим церквам и прочая. И в нем, в чине освящения церкви, напечатан Крест, како его знаменовати на антимисех; надписание к нему «Царь Славы IС. ХС. ника».

Тамо же, на другом водружальном Кресте, то же надписание: «Царь Славы IС. ХС. ника».

Разсудите и зде, боголюбцы: от самого Христа, и святых Его апостол, и богоносных отец, во всю вселенную, всем Божиим церквам, на двою Кресту, на антимисе, и водружальном, надписание без Пилатовых писмен предустановлено быти. Егда и зде презрено, или не вызвано святое Евангелие? Смеемо ли тако умствовати?!

В Тетро-евангелиях московския печати во Иоаннове благовестии, в зачале 46-м, в начале перваго страстнаго евангелия, на поле напечатан Крест, надписание его: «Царь славы Iсус Хс.
ника» - без Пилатовых писмен.

На дорниках в древнее благочестие, им же просфиры печаташа, на Кресте надписание: «Царь славы IС. ХС. ника». В тех просфирах и агнец закалашеся в тайнодействии Тела и Крови Христовы, а тожде без Пилатова написания.

Древле в благочестие, и до ныне, христиане вси от святаго крещения на рамех у себе носят Крест Христов, с богословным надписанием, по обычаю церковному, тоже не имеющ Пилатова написания.

Равноапостольный царь Константин устрои три Кресты от чистыя меди по образу, показанному на небесех от Самого Христа, яже в Пролозе сентября в 14-й день писано, и нарече святыя имена сице: «IС. ХС. побеждает».

Внемлем и зде показанию не человеческому, но Самого Христа, иже претерпе вольное распятие, Той показа и царю на небесех Крест, и на нем писати Пилатово написание не объяви, еже и равноапостольный царь не дерзну чрез небесное ово Божие показание написати его.

Еще же апостол Христов и евангелист Иоанн Богослов, иже даде жезл с распятием преподобному Авраамию, Ростовскому чудотворцу, им же повеле сокрушити Велеса идола, творяща многи напасти мимоходящим людем. Еже и бысть. На нем же, Распятии, несть Пилатова написания, имать же воображено «IС. ХС. ника». Сие же Распятие в монастыре преподобного Авраамия имеется, о дании же жезла и о сокрушении идола в житии Авраамиеве написано.

Внимаем, о мужие, братие, иже бе по Христове распятии, и повествовавый во Евангелии, яко написа Пилат титлу и положи на Кресте, той на данном Преподобному Распятии не предаде тоя титлы. Аще бы ради законоположения, еже писати, во Евангелии написана было, как сам написавый Евангелие презрел бы? Что сих свидетельств яснейше, что же ли достовернейше быти может?

В Преславле-Залесском в соборной церкви, в ризнице, Крест с Распятием сотворен по его подписи: в лето 6660 году благоверным великим князем Георгием Владимировичем Долгоруким, а на нем на самой досце надписание IС. ХС.

На Москве в соборной Успенской церкви на запрестольном Кресте, из Корсуни принесенном, на среднем крузе Распятие мусиею писано: надписание на досце: IС. ХС.

Ту же на Евангелии во алтаре, старописанном, в часовничной лист, Распятие, на нем надписание на досце: «Распятие Господне», выше: «IС. ХС.».

Ту же лежит Крест с Распятием, благословящий, с мощми святых, сотворен сребром и позлащен в лета 7155, и дан по ризе Господни. Надписание на досце: «IС. ХС.», выше «Распятие Господне».

Ту же златосияющий благословящий Крест, с Распятием, и с мощми святых, сотворен при царе Феодоре Ивановиче и патриарсе Иове, повелением царицы, лета 7103 году; написание на досце «IС. ХС.».

Тамо же, в Крестохранильнице, драгоценный Крест с Распятием, благословящий, вынизан жемчугом, в нем же и часть животворящего древа, и мощи Петра митрополита, и инех святых, сотворен при том же царе Феодоре Ивановиче и патриарсе Иове, лет 7102; надписание на нем «IС. ХС.».

В той же церкви в ковчежце, в нем же риза Господня, Крест с Распятием, на нем же надписание: «Царь славы IС. ХС. ника».

Вторый ковчежец, вящший, в нем же, глаголют, риза Господня, из Грузин принесена; на нем Крест и надписание: «Царь славы IС. ХС. ника».

На Москве же, в соборной церкви Благовещенской, над Деисусом, дванадесять праздников. Меж ними распятие Господне, надписание на нем: «Царь славы IС. ХС. ника».

В притворе тоя церкви, у западных врат, вверху стенным письмом писан образ Распятия. На нем надписание: «Распятие Господа нашего Iсуса Христа».

В приказе Большия казны стоит Крест, меднолитый при царе Михаиле Феодоровиче, надписание на нем: «Царь славы IС. ХС. ника».

В Ладоге, в Васильевском монастыре, из монастыря Валаамских чудотворцев вывезенный благословящий Крест с Распятием, резный; надписание имеющ вырезано на досце: «Царь славы» и на прочих древах «IС. Христос ника».

В Соловецком монастыре, в часовне, идеже преподобнаго Германа мощи, Крест каменный, на нем Распятие писанное, надписание изваянное: «Царь Славы IС. ХС. ника». А пред Распятием написан преподобный Савватий молебным образом. Тако и глаголют, яко она преподобная отцы Савватий и Засима пред оным Распятием молястася.

Тамо же, в казне церковной, Крест благословящий с Распятием, весь златый, обложен жемчугом, с мощми святых, дание царя Ивана Васильевича Филиппу, игумену Соловецкому; надписание на нем: «Царь славы IС. ХС. ника».

Тамо же, в соборной церкви, юже устрои Филипп митрополит, бывый игумен тогда, в двенадесяти праздницех Крест с Распятием. В той же церкви и другий Крест с Распятием, а на тех Крестах, яко же и на прочих древних, несть на досце четырех слов (I. Н. Ц. I.) за Пилатово написание.

Тамо же, над трапезою вверху, служба Димитрия великомученика, образ его честной, в деснице персты сложены в знамение Крестное по древнему; держит в них Крест трисоставный, надписание имеющ: «Царь славы IС. ХС. ника».

Еще же и близ пристанища, на месте, иде же при преподобном Засиме купец просфору оброни, Крест с Распятием дивно вырезанным, надписание имеющ: «Царь славы IС. ХС. ника».

Над кладезем преподобнаго Засимы, в часовни, поставлен Крест с Распятием резным в лета 7163 году, надписание имеющ: «Царь славы IС. ХС. ника».

Ту же стоит Крест в часовне, поставление Иринарха, игумена Соловецкаго; надписание на нем: «Царь славы IС. ХС. ника».

Над Филипповым кладезем поставлен Крест с Распятием резным, в часовне, лета 7163 году; надписание на нем: «Царь славы IС. ХС. ника».

Суть же и ини мнози животворящие Кресты, яко на Соловецком и Заецком, тако и на прочих тамо отоцех, имеющие внизу лета и имена поставляющих резанием, назнаменаны и их же от древлеблагочестивых отцев или мирскаго чина христиан ставлены познаваются. На тех всех воображено на вышней досце: «Царь славы», на среднепоперечном древе: «IС. ХС.», на подножии же: «ника», а тех четырех букв за Пилатово написание несть.

А которые Кресты, по знаменанному летоименованию их, последи древних отцов от нынешняго, духовнаго или мирскаго, новолюбцев чина ставлено, на тех и тыя четыре буквы на досце вырезано.

И по сему явствует от коих времён и от коих тии четыре буквы писатися тамо начаша.

Вкупе рещи: по различным Российския державы градом и монастырем, яко в Соловецкой обители, тако и в прочих, и медныя распятия Иринарха, Ростовскаго чудотворца, и прочие древлероссийстии и благословящие Кресты, ихже колико множество видени и свидетельствовани, котории до Никонова пременения писани и лити, и кои точию от нынешних иконописцев не преписывани, на них же всех, яко и на вышепоказанных, аще и различными надписании, прославляется честное и пречестное Iсуса Христа имя, но обаче всюду обретеся согласие, еже без Пилатова написания.

Еще же и преподобный Никон черныя горы в книзе, глаголемой Тактиконе, в слове 38-м предлагает: «Паки блюдох всюду честныя Кресты, надчертаемы ов сице, ов же инако, а не в едино надписание, о сих убо аз недоумея, исках с трудом подобающее надписание лучшее уведати, и сего ради, написав, послах в соборную церковь патриархии Антиохийския. Они же, испытавше о сем опасно, восписаша ми сице: яко лучше есть надписовати святыя честныя Кресты «IС. ХС. Сын Божий»».

Вонмем, како и сей толик и таков муж, иже все божественное Новое и Ветхое Писание ведый, ему же дерзновение учительства слова Пречистая Богородица даде, яко же в книзе «о вере» на листу 197-м пишет, - еда и сей преподобный не знал бяше в Евангелии повествованнаго, еже Пилат положи титлу на Кресте, а ищет с трудом: како лучше творити надписание? И виждь его не дерзское и не горделивое, не сам о себе дерзну что, но вопроси у отец в патриархии. Что же в патриархии: еда не ведаше Пилатом написанныя титлы, а не предаша ю писати, но повелеша написовати «IС. ХС. Сын Божий».

К сему же и на Корсунских вратах в Великом Нове-Граде на Распятии греческия буквы написаны, яже искусне ведущие глаголют: всех сих знаменует не Пилатово написание, а наипаче дает знати, яко не четыре буквы, и те, ими же Пилатово написание знаменается.

Паки же в Великом Нове-Граде на Волховском мосту чудный Крест сотворен с Распятием при благочестивом царе Иване Васильевиче и при святейшем и приснопамятнем Макарии митрополите, его же во многих житиях Российских чудотворцев списатели велика мужа в добродетели и в ведении божественнаго Писания и бодраго пастыря церкви Божия именуют. Он же собра 12 Миней месячных Четьих, в них же книги Новаго и Ветхаго Завета и толкования их списа. То и при толико славнейшем пастыре на оном чудотворном Распятии не написано Пилатово написание, но на самой досце «Царь славы» и на прочих «IС. ХС. ника» воображено.

Ту же другое Распятие сотворено при царе Феодоре Иоанновиче, на нем надписание тожде: «Царь славы IС. ХС. ника».

Паки же в Минее августовой вышереченнаго митрополита Макария, в книге Козмы Индикоплова, Крест воображен, на нем несть Пилатова написания.

В той же Минее на антимисе воображен Крест, надписание имеющ «Царь славы IС. ХС. ника».

Но понеже не неведением покрываема мати наша церковь древняго благочестия, юже, по пророку Аввакуму, слава Спасова покры, многим сущим, неудобь разумеваемым, речем в книгах и надписаниях на святых вещех или где како подписовати. Тем же при благочестивых князех и царех во Алфавите тем толкование и указание сказано. В нем же о Кресте животворящем писано о подножии: чесо ради и како пишется. В нем же Крест в лицах воображен, надписание его: «Царь славы IС. ХС. ника». Под ним «ника» толковано сице: «ника» сказуется «победа на диавола и победитель врагом, а сам не победим ни от кого же», и иные речи, яже окрест его толкованы, а титлы, Пилатом написанныя, на том Кресте не написано.

Ельма убо вси сии в вышереченных от святых книг и надписаний показаниях святии апостоли и святии соборы, и прочии богословцы, и благочестивии цари и архиереи, не писаша на честных Крестах Пилатова написания?

А глаголющие, яко святое Евангелие повеле писати, предают тем на вышереченных безчисленных святых оглаголание, аки презревших Евангелие Спаса Христа, и сами умудряющеся, аки свыше их от Евангелия уразумеша писати. А наипаче от неких таковыя дерзостныя наносятся речи: «могоша и древнии не узнати, а святое Евангелие повелевает; чесо ради не писати». Оле, дерзостнаго зде гласа, зазор на отец наносящаго! Понеже и латыни, и немцы, и Никонова согласия держащиеся на Распятиях пишут Пилатом написанную титлу. И толико тщаливы нынешнии иконописцы, яко и на старых Распятиях переписывают. Еда и они лучше святых познаша Евангелие Спаса Христа?!

Не понеже убо во святем Евангелии от евангелистов, еже во время распятия Христова распинающие Его титлу или вину написаша повествовано, тако же и у святых о том различныя сказания, повеления впредь будущее писати не написано. И что ли о оном сказании Святии сказующе, но обаче на животворящем Кресте надписание не Пилатовыми речьми, но яко же их Дух Святый просвети, тако богословию Спасу Христу на Кресте изобразиша, яко же выше облак свидетельств достоверных показахом.

Тем же и мы святая Евангельская и прочих святых словеса лобызаем, прилагати же к ним свое толкование, коего тамо повеления не написано, не смеем. И яко же во инех, сице и в надписании Крестном, соблюдаем, искушенная от толиких святых мужей в древнем благочестии и времен благоприятных, согласно с ними на Кресте надписание пишем. Потязания наводити на их предания не смеем, свою немощь познавающе, ниже древних благочестивых царей и патриархов потязати дерзаем, ниже смеем умаляти от их написанной богословии на Кресте, аки бы несовершенны, но точию соблюдати у их содержимыя утвержаемся, слышаще и Милетиево во 2-м послании утвержение: Стойте, держаще отеческая предания не превратна ни в чем же богоносных отцев потязающа, но ниже Божиих людей православных потязати изволяюще.

А иже принуждающие четыре буквы, яко бы Пилатово написание, во второе со святых Отец богословным надписанием, писати, - да рекут: откуду сей закон, и кто рече, и кто от святых тако тыя буквы писати повеле? Второе: да покажут, кто по распятии Христове от святых апостол, и святых отец, и благочестивых царей и архиереов, и в старопечатных московских книгах, и на Распятиях, толико свидетельствованных, яко же выше показашася, тако тыя буквы на Кресте написа и Церкви предаде? Третие: да явят, аще по их, священнаго Евангелия, и прочих святых писаний, есть сицевое повеление, еже писати тыя буквы, чесо деля святии, их же явихом, не писаша? Еда не узнаша, яко подобает писати, или узнавше презреша, или за кий разум не благоволиша? Четвертое: да дадут объяснение несогласному их себе самех разумению, еже, истолкующе, возводят, яко закон и повеление Евангельское и похвала Христу есть, еже по их писати. А егда услышат от кого, яко святии не писаша, тогда они же, обращающе слово, глаголют: «идеже и не пишется, - и сие благо же, и праведно, и приемлемо есть». Убо будет ли право сицевое учение: проповедавше Евангельским повелением и похвалою Христу, еже писати? Аще ли же кто и не послушает, по их, Евангелия, и не пишет, и сие им же за доброе принимати и проповедати? Пятое: да возвестят же, кто от святых сие догматствовати двоеумственно: еже кто пишет на Кресте тыя буквы похвально, кто и не пишет приемлемо, - тако предаде, и в коем божественном писании сице написано? Шестое: да явят глаголющие, яко где на Кресте вообразится распятого Христа плоть, тамо подобает теми буквами титло воображати, а идеже без воображения плоти Крест, тамо не подобает той титлы быти. Кто от святых сие тако умствовати написа и в коем божественном писании сице засвидетельствовася?

И егда у святых узаконено – ясне сии покажут, тогда и другим предавати незазорно и послушати кому несумненно. Аще же сия вся у святых предаема не является и творимая обретаются, како не устрашимся писати та, яже у святых не бе? Или како не возбоимся предавати сия, яже прежде церковию непредадеся? К сему же и сие: яко святии не писаша тии буквы на Кресте, латыни же и немцы и прочие противоверцы, пишуще сия, не усумнилися в сих разглашатися со святыми, соглашатижеся с противоверными. А наипаче, яко всюду Писанию вопиющу: да не приимем новин, яко же в Книзе «о вере» на листу 224-м завещавает: сего ради всеми силами всяк тщатися повинен есть, яко да в приятии новин под анафему не подпадет, при которой искушение казни злыя сретает небрегущих о сем. Еже, не обретше о четырех буквах в московских старопечатных книгах и во инех церковных изображениях ясных свидетельств, избирают утвержение от книг, яже белорусцы в Польше печаташа, яко же во обою беседу: в заставницах Распятия без вышния дски и со обвешением напечатныя, над ними же и вышереченныя буквы, - и тем утвержати себе мнят, и поклонятися сицеву без четвертой части высшей дски изображению Креста извещевают.

В житии же святаго Кирилла Философа, учителя славенскаго, написано, егда вопроси его Ананий патриарх: Рцы ми, юноше, како Кресту, разорену сущу, ни кланяемся ему, ни лобызаем его; а вы, аще лице до перси токмо будет, иконную ему честь творяще, не стыдитеся? Философ же отвеща: четыре бо части Крест имать и аще едина часть убудет, то уже своего лица не являет. А они без четвертой части, верхней дски, крест совершен и покланяем быти утвердиша и в свидетельство приводити не стыдятся. Понеже есть в тех печатех и ино несогласие с московскими древними печатьми: пречистаго Владыки имя «Iсусово» в инех местех «Iисусом», такожде и «во веки веков», согласно с никонианским. И в Беседах на Деяние на странице 181, вместо святаго крещения, обливание в лицех напечатано, тако солгано: аки бы апостол Филипп евнуха обливаше. Зане тии печатники не под русскими благочестивыми цари и патриархи, но под польскими крали, аще и греческого согласия держашеся, пребываху. Но Филарет, святейший патриарх, про их дает ведати, многая в них виде несогласия церковная в самех тех христианех, яже суть белорусцы в них нарицаются. И тако, на сих свидетельствах утвержатися ненадежно.

А еже ревнующие писатися на Кресте четырем буквам, на не согласующие им о сем за опасение, понеже у святых тако не видеся, смелостию изглашают клятвы и не благословения, гаждения же и отлучения. Сии скорби и ненавидения, аще и многи печали и тяжести наносят, но обаче в едином согласии со святыми и во едином полце с ними, имеюще в подкрепление самого Царя славы, глаголющаго: несть ученик над учителем своим, ниже раб над господином своим. Аще Господина дому веельзевула нарекоша, кольми паче домашние его? И аще мир вас ненавидит, ведите: яко Мене преже вас возненавиде. И сими да утешаемся во исцеление же глаголющим, в познание устрашающимся, клятв и отлучений от собрания преподобного Иосифа Володскаго предлагаем. От жития святаго Симеона, иже на дивней горе: великаго Симеона, иже на дивней горе чудотворца, презвитер некий, завистию побежден быв, проклял. И абие видев множество бесов, пришедших к нему и связавших его опаки рукама, яко не мощи ему оттоле и святаго Евангелия прочитати. Виждь: аще кто недостойне проклянет или свяжет, себе проклянет и свяжет, яко и презвитер. Святаго Дионисия Ареопагита: Яко аще святитель, паче воли Божии, отлучит, не последует ему божественный суд. Василия Великаго: Аще кто творит кого без благословения быти безвременно, сам да будет без благословения. Святаго Анастасия Синайского: Егда восходите в дом, глаголите: «мир дому сему» и аще будет ту сын мира, - мир ваш почиет на нём; аще ли же не будет достоин, - мир ваш к вам возвратится. Аще убо мир паки ко онем возвращается, зане же не обрести достойна себе, - множае паче неблагословение и клятва возвратится на главу неправедно ту посылающаго, яко неповинне сущу оному приятию, к нему же послана бысть. Всяк убо всуе не благословляяй и проклинаяй, себе не благословляет и проклинает. Глаголет бо Соломон: яко же летающие птенцы, - суетная клятва не вселится ни в единаго же. Попущающе убо Богу, яко же рехом: настают безумные на мудрые и нечестивые на благочестивые, неправедные на праведные, уничиживающе и обидяще.


(текст взят из приложений к книге П.С. Смирнова "Из истории раскола первой половины XVIII века". СПб, 1909 г.)






Похожие:

Собрание о титле на Кресте iconДокументы
1. /Слово о кресте.doc
Собрание о титле на Кресте iconДокументы
1. /Спиридон Потемкин Слово о кресте.doc
Собрание о титле на Кресте iconЕ. А. Городная от 01. 11. 2011
Общее собрание работников образовательного учреждения (далее – Общее собрание) является органом самоуправления оу, создается и действует...
Собрание о титле на Кресте iconПрезидента Российской Федерации от 9 ноября 2001 г. N 1309 "О совершенствовании государственного управления в области пожарной безопасности" Собрание закон
Федерации по делам гражданской обороны, чрезвычайным ситуациям и ликвидации последствий стихийных бедствий Собрание
Собрание о титле на Кресте iconЭлементы теории множеств
В повседневной жизни постоянно различные совокупности предметов называют одним словом. Совокупность документов называют архивом,...
Собрание о титле на Кресте icon1. Собор или собрание? Признаки самочинного сборища. Состав “собора” (89 человек). По какому принципу собирались? Организация собора и принцип голосования
Заграничные пути. Церковное собрание в Сремских Карловцах – “Всезаграничный карловацкий собор”
Собрание о титле на Кресте icon1. Собор или собрание? Признаки самочинного сборища. Состав “собора” (89 человек). По какому принципу собирались? Организация собора и принцип голосования
Заграничные пути. Церковное собрание в Сремских Карловцах – “Всезаграничный карловацкий собор”
Собрание о титле на Кресте iconПоложение об Общем собрании мбоу «Гимназия №22»
Общее собрание образовательного учреждения (далее по тексту Общее собрание) является формой самоуправления образовательного учреждения...
Собрание о титле на Кресте iconПри свете креста
При кресте Иисуса стояли Матерь Его, и сестра Матери Его, Мария Клеопова, и Мария Магдалина
Собрание о титле на Кресте iconМөфти Мөхәммәдъяр Солтан нәселебез горурлыгы
Рәсәйдә духовное собрание төзергә, аңа башлык итеп мөфти куелырга тиеш. (1789нчы һиҗри белән 1204нче ел).”Духовное собрание” үзенең...
Собрание о титле на Кресте iconЛев толстой полное собрание сочинений издание осуществляется под наблюдением государственной редакционной комиссии Серия вторая Дневники и записные книжки
Издание: Л. Н. Толстой, Полное собрание сочинений в 90 томах, академическое юбилейное издание, том 57, Государственное Издательство...
Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов