Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия icon

Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия



НазваниеОписание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия
страница1/4
Дата конвертации31.08.2012
Размер1.11 Mb.
ТипДокументы
  1   2   3   4
1. /Житие Евфимия.docОписание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия

Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия. и о всех его действиях, иже в жизни своей подвизался. о еже како всяк люботрудне, изыская и сочиняя о записавшихся, по указным повелениям всех раскольников.


Бысть сей старец, Евфимий во время третияго столетия осмой тысящи, и родися от рожества по плоти Бога Слова, в лето 1740-го года. род его отечества бысть, переяславлянин. родители его, каковаго быша звания, подробну ведати темностию покровено бысть. Потому что нам, узнать было невозможно. [а мирянскаго имени его не известно, а сие имя ему по крещении втором дадеся]. Но толко по сему видно, что он был духовнаго звания человек, за еже от некиих воспомянено, яко бы бысть он архиерейский певчий. а каким состоянием живяше, о том ведати не привелося ни от кого. ниже сам он по себе остави кому. И егда дойде от рождения ему 24 лето, тогда он поступил в военную службу, и каким судбам он попал в военную службу. и какими судбами он попал в случай сей о том тоже неизвестно, сам восхотев, или чреда его воспоследовала. А бысть отдан в царствование, государони Екатерины Алексеевны. В первой набор после третий ревизии. И посем вскоре по отдании он оттуду отлучися, и оставил свое воинство. И бысть под видом человека страннаго во укрывании жившаго. и тако стал приискивать себе пристанища, не еже токмо глаголя течения жизни сей, но иже бы како получить души своей спасение, и не туне бы проводить дни своя на сем свете, судбами, о том ему Божиими служащими в ползу его спасения. Бысть он в Москве и обрел себе приятелей, не токмо тело его упокоевающих, но и разуму благочестия научающих. еже от старообрядцев филипова согласия. коих количество исполнялося, в Дурном переулке в бытность тогдашних настоятелей в Москве, и служащих должности правления требованию старообрядцев. Первый бысть, отец Василий Матвеевичь, и Алексей Яковлевичь, и брат ему по плоти Григорей Яковлевичь. Иван Алексеичь. И тако старец Евфимий присоединися с ними во единомыслие, и бысть во всем искусный, и знаменитый в старообрядцах брат духовный. и жил он у них много время в Москве, все в мирском еще чину, а не иноком. А какия тогда над ним качества о том не известно, а художество его было, писец искусной, еже книги многия писать, всяким видом, то есть добрым начертанием, и ускорительным. и сочинял он тогда многия истории, о остальцах благочестия и прочия сочинения. но вси служащия, ко оправданию своего согласия старообрядцев, филипова согласия. и много усиливался защищать поморское согласие.
кое уже начася предводительством Андрея Дионисиевича, и Даниила Викуловича. а феодосиево согласие он был тогда велий смотритель, нащет их неосмотрениях, во исправлении всего християнскаго закона, многи вины за ним испыташе. А именно: первое и важнейшее его бысть изыскание о них о титле Пилатом прибитой на кресте Христове, сими словесы: I. Н. Ц. I. кою титлу тогда феодосияне приимали в поклонение, и спасенное тайнство, яко их учитель Феодосий Васильевичь разуме. Но Евфимий о том крепко стояше, дабы сие опровергнуть разумение. Потом второе, еще на федосеевых он писаше, нащет еретических браков, приятия от них. Третие: о брашнах, иже продаемых на торгу, не ядяху федосеева согласу старообрядцы: прежде даже очистят е, своею молитвою и поклоны. и прочая инна старец Евфимий писаше о них. следственно нужда тогда належала о них писать. Но аще и таков бысть он человек у филиповых старообрядцев но не видится что бы он поставлен тогда каким нибудь членом, во еже правити должность братских требований. Еше бысть за ним художество, изугравское еже иконы писал. мастерство искусно очень имел. многия иконы писал, и апокалипсиси рисовал, предобрым и весма искусным художеством строил, которой и потомкам своим в вечное наследие оставил. а что где сего художества он учился, о том не известно в миру ли еще когда жил обучился, или когда присоединился к согласу филиповых старообрядцев. а по всему видится что егда изшедши из мира. тогда учился сему художеству. И тако всего его жития в старообрядцах, происходило времени, около лет 15-ти. и при последних летах он, а может и ранше усмотрел многи во своем братстве вины, кои его побуждали весма в смотрение приходить божественнаго писания. но оно убо бысть и по промыслу всевидящаго и недреманнаго ока Спасителева. И нача он чести божественное писание, и сличати оное, со своим христианством. и тогда он наиболее прииде в размышление. ибо егда крестися не веде о том ничтоже, что есть не право, или в чем повредительно. но егда начат о том сподвизатися, обаче сначала его в сумнение приводили, некия человеческия блазни кои составляются от немощи и небрежения, слабости человеков, то есть вины и пороки бывающия, по причине падения греховных случаев. ово за настоятельствующим ово же за людинам послушных чина. Но то ему не приносило такова заражения, чтобы порок навести, кий любо на свое исповедание веры. Но только он успехи имел, как бы исправить вся недостатки в братии. и тем он был настоятельствующим весма горек. И много его за то ненавидели и укоряли, аки неспокойнаго мятежника. и на тело церковное востающаго, и молвы творящаго. но он раждежен был, ово страхом, ово же просвещен святым писанием, на сие не смотряше, но всегда он болезноваше, как бы не навести красты, роду християнскому, и тем согнитием иныя не повредити. А наипаче его смущали случаи таковы, егда кто бываше при допросах, или иных киих любо проводах своея братии, пред власти гражданския, и есть ли же что по воли их сотворенное. о том толма духом изнемогаше, что часто в таковое размышление приходил, якобы чрез сие в поклонение антихристу приходим, егда волю их сотворим. и сообщал он их поступки с преждебывшими християны, и во всем ему показалися несходственныи. потому он и жалостным духом бысть снедаем, как бы чисто управить овчарню словесных овец. и как он много усмотрел во своих настоятелех, закону противных случаев, не токмо в прочих братии, но и в самых их начальствующих. за что и вельми посумнился о том. и много у него было успехов то искоренить, и исправить. а что именно зде смотрите его все своеручно сказание отчего, и как начася его сумнение. [Дозде первое от зде Евфимий извещает посланием ко отцу Ивану Алексееву с Юхты. тогда бысть Евфимий в Москве]. Сице же зде и о сем достойно есть воспомянути.

Егда оный Роман Андреев, окончая свою выходную из заграницы записку, и приписался в Московския мещане. и по оном своем отправлении, во вторник вечер то есть накануне преполовения, поехал во Тверь, к духовным своим детям для исправления. в среду же преполовения. В среду же преполовения по утру пришедше к нам недостойным в келию Матфей Ивановичь, и Василей Михайловичь, глаголюще сице, что отец Роман Андреев у вас исправился ли поехал? аз же рех к ним нет. они же реша. что ты так просто пушаеш? он де в магистрате то своеручно росписался расколником Роман Голиков; он де ему и повелеша в том росписатися. он де тако по их сложению без всякаго изъятия, и подписал себя роаскольником. [глаголюще же они, яко и руку его тамо подписанную дозрев видевше]. И что де в том хорошева, тако исправляяся поехал. и аз к ним отвещах, сице: я ему о оном исправлении говорил, но он мене грешнаго не послушал. Тако и не исправясь поехал. и глаголах аз к ним, егда приедет он. тогда как знаете с ним делайте. И так до зде извещении себя раскольником.

И тако Роману Андрееву в магистрате, повычик, или ин кто таковый присудствующий рек сице: ты ли раскольник Роман Голиков. тако росписался. Он же без всякаго о себе извещения отцем, тако в силе указнаго повеления раскольником и росписался.

Видите ли от сего, еже нам самех себе раскольника, названием, паче же рукоприкладством своим, оныи Роман утвердися раскольник быти. и сим себя название раскольника, не яко едино свое свое душевредное исполни, все древнее святых благочестивое содержа содержание, и православную веру ересию порек, церковь православною, и онех благочестивыми наименова быти. [Зде Евфимий возводным разумом глаголет, быти о Романовом отступлении].

И егда оныи Роман из Тверии приехал к Москве. и на Воздвижениев день собранию бывшу, тогда что? яко ни мало бы ему о том [он пишет о том настоятеле] во время оно и не помянули, яко же прежде по отъезде его во Тверь, Матфей Иванов., и Василей Мих., на нем искасте. но он же паче вас, в присяге вашей принуждаше вам исправитися. и за оно ваше не исправление в присяге, и за подписку к статиям их, расколы от вас на Юхти чинил бяше. Вы же вонмите названию самех себя раскольником, и расколу силе. Аще по онех никониян разуму без всякаго изъятия, назовем мы себя сами раскольником, паче же в том и подпишемся, кая беда от того належит быти зрите и видите, да чего касается. Еще чрез некиих слышится по сказанию вашему яже Андрей Иванов Кимерский с прочими сотвори, ради облегчения от госпожи своея двойной дани, и свобождения ради от нынешния великороссийския церкви, о нехождении в домы их попов, со своею их святынею, к тех злочестивых сочиненному управителем их писму. а в нем они по своему обыкновению, наименова свою великороссийскую церковь православною, а попов нарече благочестивыми. Они же Андрей Иванов с прочими ко оному его сочиненному писму, своеручно и подписашася. И сие смотрите; когда они тем своим рукописанием, онех антихристовых служителей нарекли благочестивыми, а церковь назваша православною: то от сего яве показуется. яко тем они своим рукописанием себя в злочестивых определиша быти. паче же православную веру, и благочестивое святых отец предание злочестием порекоша. Якоже и Роман едино еста сотворися с ими. и поразуме оныи Андрей сему, душе своей во вред быти, прииде ко Алексею Яковличу, и единым пред ним началом исправися. и возвратися паки в Кимру. Таковым же началом и сам прочих с ним подписавшихся исправляти. Роман же и начала не положи, и ниже малыя коей погрести в раскольническом своем о себе записании позна. Вы же любезнии, глаголюще, яко бы никоему же вам в нем погрешению. и аще по вам тако непщуется быти без погрешности. то чесо ради вы [именующеся глаголю церковь] онем Роману и Андрею, чрез каноны церковныя в таковом дешевредном без исправления остависте пребывати. и таковей самем им гниющих язве, и не исцельно болящих, прочих целити попустисте. До зде старца Евфимия о Романе извещение. [Зде Евфимей приводит от Никонов. слово 50].

[Второе] Господи Исусе Христе Сыне Божии помилуй нас аминь.

Честному отцу и брату нашему, Ивану Алексеичу с братиею радоватися.

Понеже мы грубонесмысленнии и последейшии, бедствущии старец Евфимии, еже прошедшаго. 7288-го года. во время состоявшагося в нас мира, то есть в суботу или в неделю, в нюже чтется притча о мытари и фрисеи. тогда аз вдах вам себе в волю вашу. якоже у нас со Иваном Михайлычем, и Василием Михайл. слово бяше [о чем и помянухом до вашего боголюбия в посланном от нас писме, которое послано, с его 7290-го года, по рожестве Христове, в немже ясно о том показуется] будучи же ми на Юхти. 7289-го года, писах тамо писмо, и послах оно со Алексием Григорьевичем, пред праздником Рожеством Христовым. и во оном просил вашу любовь, чтобы с нами бедствующими сотворили свое отеческое милосердие, еже моему, о отце Андреяне сумнение, по свидетельству святых писаний, учинили бы конечное решение, его ли сюды позвать, или нам к нему ехать, или зде вам по своему обету исполнити. Вы же на оно мое прошение, присласте к нам странствующим, брата Матфея Ивановича со ответствием. Он же на то сице нам сказуя; чтобы мне ко отцу в Поморье самому ехать, и самолично по саморучному моему писму пред ним простится, кроме всякаго прикоснутия на мне иноческаго образа, якоже и писмо оно показует. [Еже и вы к нему по миротворству саморучне писавше такожде заочно от него просяще разрешения] а по исполнении бы нашего пред ним покорения. и его состоявшееся дело расмотреть по писанию, и исправить по правилам. Таже и ваше неисправление, и Алексея Яковлевича миротворство с федосеевыми, с пребывающими таможе иноки расмотрите обще, и просто яко всю православную в нас церковь по писанию очистити, и по обычаю прежних поморских отец установити. просто же отнюд тако не оставити, но вся по писанию исправити. оный Матфей глаголаше. а еже ли де просто без разсмотрения оставити, то что де у нас в церкви хорошева и чинитися будет. [сие глаголаше при Софоныче и Василье Васильеве] коими он егда объявление от вас и вас известных, и всеусердне тое обещахся исполнити. и просих вашу любовь, чтобы вы нас бедствующих по оному своему слову не оставили, потщалися бы тако исполнити. Аз же в состоянии быти тако вознамерихся, ожадах от вас предналежащаго к путю шествия. от вас же того не бе. но от онаго же Матфея, на тое мое от вас бывшее прошение, писмецо прислася к нам на Вербной недели, в нем же и по моем к нему покорении, о всем том церковьном неисправлении и нам грешным советует уже молчати, и смирением себя ми оградити. а понеже вселюбезнии, еже аз грешный на вашу любовь надеяся на вас, положихся яко на истинных рачителей душам християнским. и егда вы возъусердствоваша еже бы в нас собранию быти, и вся неисправности церковныя соборне решити своего ради тако вашего усердия, во оно время Матфей Иваныч и Василей Мих. и прочии, к нам в часовню неоднократно приходя требовали о том от Алексея Яковлича к соглашению с вами совета. чтобы он с вами согласился купно на соборе брати позвати, онаго ради церковнаго исправления. он же отнюд того ни мало учинити хотяше, но глаголаше сице: у нас де все хорошо и благополучно, и во всем исправно. якоже у Стефана Андреича, тако и у Андрея Иваныча. а еже ли де у вас не исправно, а вы де для себя сбирайтеся, и исправляйте себя в чем неисправны. а у нас де все благополучно и исправно. и прочее тако глаголаше. и оный Алексей Яковличь, во оно время не собранию желаше быти, но по тринадесятим статиям с федосеевыми как бы мир учинити. о том же аз ему всегда препятствовал. то же по вам согласуя. первее бы нам у себе собрание учинити, и свои недостатки исправити, и в себе самых православную веру по последованию отец устаменити. и потом и со оными федосеовыми со общаго совета и мир чинити бы. Но егда же оный Алексей Яковличь, в конец к тому согласитися не хотяше, но всегда неотложное желание к желанию прилагаше. как бы ни есть токмо с федосеевыми смиритися. Яко и возъусердствова кроме братскаго собрания с ними соединится. Таже и умерших их прия, в церковное сприобщение, по некиим свидетельством писанию к приятию тех несогласным, кое и вам бяше не не известно. Сего ради таковаго его самовольнаго и скораго, кроме братскаго совета, с теми жадающаго сообщения, дерзну к нему много о том воспрепятствовати воспротивословити, и в том нарекох его которником, и признах за самовольство его яко от самыя моровыя язвы и расколы быша рекох ему тако от него вси происходящия в церкви которы и расколы. за что он мене и из храма молитвеннаго изгнал. Аз же от тою времени начах един о себе в воли пребывати, ожидах вашего собрания, и чаях некоего себе от вас милостивнаго расмотрения. Понеже вы отнюдь оно просто не оставим глаголюще тако быти, но при собрании де его о том спросим. за что он тебе изогнал. И егда же на Воздвижение честьнаго креста собранию в вас бывшу. Тогда что? яко ни мало чесого православней церкви полезнаго устроиша. о нас же недостойных и не помянувше. но паче же оно вам мое изогнание в великую ползу сотворися. Вы же токмо с Романом спирающеся: друг друга жадающе под себе покорити, и ни кой коему из вас и нимало повинуся. а первее того вы на нем, за ево себя раскольническим им же за подписку, и за общение с федосеевы будучи ему на границе в Риге искаша. он же за присягу вашу со отцем Андреяном на вас изыскиваше. и прочее при собрании том о питерских, так же и о отце Андреяне глаголюще. и тако во оно время, ни един из вас и не очистися, а вы же по своему обету в присяге ни мало исправишася. и оттоле тако просто вси вы осташася без исправления и до ныне пребывати. [Но паче же нынешняго 7290-го лета по Рожестве Христове, едини токмо, кия в неисправлении пребывающе, кроме братскаго собрания усоветоваша, ничесого ни ком не искати. яко и заручное вами писмо, присланное ко Андрею Дмитриеву в Вяцко показует. и от сего показуется яко оно вами составися ни на ком не искание неправославныя церкви взаконение] По окончании же того соборования, бывшаго на Воздвиженьев день, вы по некиих разговорех, о помянутых Алексея Яковлева, 13 статиях мало нечто о приобщении с федосеевыми, по оным Алексею помянувше. Он же вам напротив рек сице, я де словами не хощу ни с кем нечесого творити, у мене де поговорок ту и так глава болит. но аще де кто хощет подай мне писменно, вы же на то рекли ему сице, мы де с вами Алексей Яковличь от писания стязатися не силны. но ищите де вы себе на то сильнова. а мы де токмо последуем отеческому преданию. и тако и осташася. он тех статей не остави. вы же их писанием обличив не упразднисте. Аз же на Юхть тако и отъехал. и будучи же ми тамо, приехал к нам Роман Андреев, и не однократно проговаривал он сице что де нас теперь разорило промеж собою несогласие, еже Иван Алексеичь к сту статиям не подписался. и аще бы де он подписался, то бы можно было всячески против Алексея Яковлича стать с федосеевыми в миротворстве. да это де нас теперь разорило несоюзство. того ради он в то время будучи на Юхти, чинил во християнех которы и расколы и несогласия. кое аз таковое душевредие зря плачем покропляя очи свои жалостию по пророку снедаем, о отеческих законех благочестия. Смотрех тако православную церковь бедствующую, и отеческия уставы искореняющияся, яко вся просте церковныя вещи без смотрения остающася пребывати. и Божиим человеколюбием, обретох себе благоутишное место, ключимое ми в потребность к расмотрению святых писаний якоже повелевают святии, преподобныи Феодор Студит, и Никон Черногорский, глаголюще сице: "вся елика твориши или глаголеши, имей свидетельства от святых писаний, или от отеческаго обычая кроме преступления Божиих заповедей". на оная взирая святых повеления, и Богу помогающю ми, несмысленну и грешну сущу. вступих о том в расмотрение от святых писаний, и от обычая отец. зрех о новоизданном законоположении Алексея Яковлича с прочими. таже и о вашем со отцем Андреяном в присягах неисправлении, и прочее. Кое написах послах до вашего боголюбия, для во оных в вас неисправностях церковных разсмотрения. и коим неисправности тыя каноном, и святых отец повелениям виновны быти подлежат, вам предъявих. таже и от последованнаго отец обычая согласная тем предложих, содеях же наподобие сицевое, дая о том в наставление, ко утвержению сего времене отеческаго содержания. к еже от вас речено бысть при собрании ко Алексею, мы де с тобою от писания не сильны.

Сице же и ваше к нам худейшим и недостойным сущим, чрез Матвея Иваныча писменное о вас извещение, в коем сам он о ваших со отцом Андреяном присягах, яко бы он последуя отцем глаголет, важности во оных никоея признавати извествует. Тем же и нам яко единоверным от таковаго начинания советует престати, и смирением себя оградити. того ради следовательно зде и во удобность быти нам разсудися вкратце вам о том повторити.

Понеже мы бедствующии и грубонесмысленнии, еже по християнству, и образу иноческаго пребывания, оному отцу Андреяну, будучи ему в Москве, и о себе его сказанию повериша. извествуя он, яко бы просто точию сняв с себя камилавку прошед сквозь собор, а не по повелению злочестивых, якоже отцу и Павлу объяви, и более кроме сего ничтоже объяви. таже и вы его много о том не истязоваша, а исправися сказуя у отца Павла. Тако по его о себе извещению, и повелеша ему во оно время пострищи двух инокинь. яко весте. таже и мне о том советоваша. тоже убеждаша мя в то время от него иноческий образ восприяти глаголюще, чтобы де у нас не прерван был той чин, и прочее. Аз же грешный и недостойный не восхотев того тут пребывая прияти. чаях ино нечто лучше себе приобрести. желах уединитися в таковыя места, идеже тому образу ключимыя к сохранению. [кое и ныне о том неотложное попечение имею, но невозмогаю себе обрести такого места, к сохранению отеческих содержании. Понеже всюду разширишася несоединение. и со отцы несогласие произыде от несмотрения святых писаний, и от самовольства властолюбных человек израсте]. Вы же на тое мое извещение советоваша ми, чтобы мне с ним в те поры к Поморию ехать. и кроме бы коего об нем непроисшедшаго в нем сомнения. приехав к нему на остров, и не медля много времени, но в празднику бы по приезде с ним от него пострижение восприяти. Аз же и на сие вам отвещах, аще и к нему поеду. и тамо будучи вскоре тако о себе сотворити посужду. но обаче как Господь о том устроит рекох. и егда прииде время, на Бога положася, и на вашу любовь надеяся. по своему усердию к нему поехаша. и приехав же к нему на остров. и тако вскоре того образа восприяти не дерзах. но смотряя тамошнее житие, и разсуждая свою совесть, избирах и тамо места ко уединению ключимова с братом, или двема пожити желах, и во всем о спожитии отцу не слагахся и не сложихся [с тем залогом от него пострижение восприях]. но Божиим тако судьбам бысть. нечаянно прииде болезнь и такова яко вси отчаяшася живота его, и начаша зань Бога молити, мене же вси к тому начаша слезно бедити. егда Бог даст ему облегчение от скорби тоя. немедля той иноческий образ восприяти, глаголюще: "зачем ты сюда и поехал, и братия послаша, а того не исполниш. и за то де братия на тя зело оскорбятся аще тако не исправиш". аз же виде их к тому убеждающих. дах им слово, аще оздравеет, к празднику тако исполнити. и помале здрав бысть. К празднику же постриже другаго, мене же отложи до совершения часовни, и егда совершиша ю тогда облечеся от него в сей образ, августа во 8 день. И приях от него сий образ, кроме всякаго о нем сумнения якоже вы советующе в Москве. и потом вскоре в нечесом разгневался он на старух, и отречеся своего отечества и правления, положа начало, и со благословением отца своего духовнаго затвори себе в келии, еже ему одному пребывати, и ясти и пити и Богу молитися. он же его духовный отец тако и благослови, и тако пребывая, сотвори дни четыре по отречении своем. мы же вси о том усумнешася, глаголюще промеж собою, яко горши Романова учини, и пришедше к нему в келию, по малем глаголании с ним предложи ему оно Романово отречение, в подобенство его отречению уподоби, за которое онаго Романа Андреева отречение недостойна вы его судиша по правилом в правлении быти: он же на то рек; аще я вступлю, ты что будеш творить, аз же на тое ему речение сомнение объявих. Он же от того ярости и гнева наполнися, пришед в великую злобу, и учини с нами разделение, купно же и с вами заочно изрек. а старух своих паки стал с началом к прощению себе привлекать. за тое что его оскорбили. в коем ему оскорблении правительства и отечества отречение случися быти. вступих же паки он в тое свое прежнее отечества правления. уже не потреюова в том отца своего духовнаго разрешения. купно же и благословения. мы же о том более в нем усумнешася, того ради ему за то начала положити убояшася, да некако противно что обрящется святых правилом, и паки отшедше от него во ину келию. и послаша к вам о том брата, со известием. Вы же на тое наше известие паки обратно к нам писаша. едино писмо прислаша ко отцу а другое же к нам. в нашем пишуще еже бы мне покоритися. а отречение его ни за что вменяюще. а в его писме, повелевающе мя держати крепце. и егда тое чтуще. он глаголаше ми: видиши ли что Иван Алексеичь о тебе пишет, велит тя сковать в железы, а отсюду не выпускати. мы же тако у него свое по вам погрешение и простишася. он нас во всем том и прости. Обаче же не без сумнения в том осташася, яко в совершенном разделении со Алексеем Яковлевым состоитеся. да еще и о присяге вашей свидетельствующе, яко оную Алексей Яковлев в немалую погрешность поставляет по писанию, а вы де за ничто вменяете тую. Сие же мать Пелагия услышавши, смутися, паче же повредися, яко никоего вы смотрения от отцов отречении по писанию не учиниша, но просто тако нас к нему подвергнули во управление, и в крепкое держание отдаша, поеха от нас едина с Федором Макаровым, мы же оставшеся, желающе и там пребывати как Бог поможет, и сюды думающе ехать. Таже в некое время, случися у нас со отцем после вечерняго пения разговорам быти про учинившуюся вами чрез никониян присягу, то есть еретическую клятву. Отец согласуя Алексею Яковлеву подобне тому же винословити ю глаголаше сице: "яко де не тии в мучительском лице быти определяются. которыя по повелению злочестивых царей мучили святых мученик, сиречь спекуляторов, но повелители оныя цари, всюду писанием извествуются". мы же став за вас с Кирилом старом, в том вас не винословим. И потом изшедше мы со оным Кирилом трое на двор из моленныя. и паки начали оный Кирил глаголати сице: "Вот честый отче. у себя мы не видим бревна в глазах то. а у людей и сучец дозрели"; Аз же рех ему, что тако? он ми рече: "по сущей правде отче, яко оный отец Андреян, свою то присягу сам собою, как есть по никониянски всю исполнил бяше, и у себя невидим. а на людех ищет": аз же усумнехся рех к нему: уже ли то како? он же рече: "ей истинно тако отче" . аз же глаголати ему начах сице: нам он отче в Москве будучи объявил сице: якобы токмо снял камилавку, просто скрось собор пройде, и более сего инаго ничто объяви. Он же рек ми: "несть отче, како так вам сказал оболгал, да и я де к нему в сообщение то пришел на вас надеяся, мнех его что он у вас исправился". И сице аз от онаго Кирила слышав, все подробну ему сказах о нем. Какое ему в Москве исправление бяше. Он же рече ми: "а коли так бяше, то себе нигде истиннаго исправления, так и по ныне неисправлен пребывает". И егда мы таковая от Кирила слышавше, весма печалию объяти бывше, в сумнение пришедше, и дождавшеся воскреснаго дня, пойдоша к нему [в келию] просить благословения, отъехати в здешния страны, где бы по близу вас пребывати во уединенных местех, и тое слышанное о нем от Кирила вам известити. Он же нас сице нача вопрошати: несть ли рече вам какова сумнения [сумнительства]. или какия вины или ереси которыя нет ли за мною, Бога ради мне скажите, чего ради вы тако отъежжаете? Аз же рех ему, есть нам слово до вас духовне поговорити. и тако пойде со мною в верхнюю келию. и слышимое аз от Кирила старца свое сумнение предложих ему. он же став пред образом Божия Матере, тая подробну и объявив о себе, како ему бяше в соборе кое слышанное от него и вам известих. При том же и о оном Кириле ему все сомнение объявих. третие еще о нем сумнение от некиих прежде слышимое бяше, при собрании в тоже время быти познася. еже он заповедал своим детям ходя по келиям ко Ионыным согласником. и 6 недель, каждый день им прощатися. и при оном собрании тоже про свою присягу паки при всех повторил бяше, и прочее. кое слышавше от него самоустная сказания, весма нимало согласишася у него остатися, и с неделю премедля времени, приготовиша извощиков, собрашася сюды ехати. и поидоша к нему в келию прощатися. он же тако ярости и гнева наполнися, дыша злобою. нечаянно за то обнажи нас грешных иноческаго образа. за оно наше ему предложенное о нем омышление, кроме всякаго от божественнаго писания увещания, взирая на ваше писменное нас держание. аз же по подобию паки исполних, наблюдая свое обещание, и бояся Господа Бога тако оставя вне иночества пребывати, и его ограбление, яко правое имети. Таже его присяжное исполнение за ничто положити. и тако аз по благословению отца своего келейнаго старца, и по ныне пребываю Божиею помощию ношу на себе иноческий образ. и того ради прииде ми нужда, не яко в пустыни первее довлеяше места искати, но прежде вам о том самоличне о себе известити, еже и сотворих, о всем том вам известих. и что Бог поможе ми, часть некую писания в несумненное отцем последование приобретох. и прочая преднадлежащая сумнительства о себе от того разреших.

Прошедшаго же ныне, 7290-го лета, в 17 день марта. пришед к нам в келию Федор Иванов, кой нача общее житие в лесах Галицких собиратися. извествуя он о себе сице. был де я в Помории, и тамо от отца Александра приял пострижение, прейменовася и во иноцех сказуя Леонтий. и слышал тамо от онаго отца Андреяна от церкви отлучили: за то что де он во своей присяге неисправляется. а они де старца чрез отца Павла уведали, что он его Павла в том оболгал, а истинны не объявил. точию де сказал, сняв камилавку, просто скрось собор пройде. [якоже в Москве нам сказуя бяше. о чем и Петр Михайлычь свидетельствовал, при ево исправлени с ним у Павла бяше. и тако потом Андреяну оный отец Павел и крестить того Петра благословил бяше]. А после де оказалось, что совершенное как есть по никониянски всю тую присягу исполнил бяше. того де ради они старца, слышавше от Павла отца человек с шесть к нему Андреяну ходиша, и его о том увещаваша. чтобы он себя в той присяге исправил; он на то им отвещал сице: я де вас не слушаю, и ни на кого не гляжу, и готов тако до смерти пребывати, и в том умрети, я де глаголаше исправлен. и за неисправление ево они старцы, тако и отлучиша. и стоит де он теперь един, а посла де к вам в Москву о том известить отца Варлаама. и что де о нем московския разсудят. До зде сказание Леонтиево.

Ныне же нам чрез некия о вашея московския страны совершенно уведеся, яко по сущей правде и вам от онаго отца Варлаама истинно известно сотворися. [и кроме нас по вам лживых] сказующаго об нем тако неправдование ваше, и лжу нашу вам повторяюще известися. Ветите же любезнии о том: яко оный отец Андреян, еже шед в собор, снял с себя иноческий образ, не яко мы иногда снимаем просто, но по повелению зловерных еретиков, и слуг антихристовых, глаголющих ему сице: мы де тебя Иван Евфимичь в духовной объявили сержантом, а не иноком. И того ради для твоего смотрения, оттоле присланы два человека, как де ты в соборе пойдешь, вон де они на паперти стоят. и теперь де тебе нельзя чтобы с себя не скинуть образ иноческий. он же сему злочестивых хульному повелению сложися, кроме всякаго противления. Зде смотрите все явно открыся о отце Андреяне сумнительное омышление. о чем мы были сумненны, то и прочии узнали, и его от церкви отлучили. Зде нужда нам о вас совершенно узнать. Аще правилно и законно, за то его они отлучили, наше же тое о нем представленное омышление, за что онеми и соуз нанесе в силе оно ли по писанию будет состоятися, или ни? и ко оному ныне отцу Андреяну теми иноцы за неисправление ево отлученному, можно ли будет нам кому себя, подвергати ему во исправление, и достоит ли нам его имети себе главою или ни? уверите нас о сем, праведне святым писанием. А нам мнится в том быти отступлению, не токмо иноческаго образа, но и веры православныя. Сице и о вашей клятве, то есть еретической зловерной присяге, исполнившейся по прозбе вашей и в лице вашем учинившейся чрез никониян. Зде нам паки разсудися, еще тоя вам во удобное разсмотрение повторити, якоже и в прежепосланном от нас писме о том вам вообразися сице: якоже некогда по внешности случается большия всенародныя мирския сходы, на тех соборех долженствует быть якоже внешних, тако и християнам, и при том бывают подписки некия, и следует к тем каждому подписатися, и умеющии убо грамоте саморучно подписываются. незнающии же росписатися, вместо себя приказных. или подписатися, якоже внешнии, тако подобне и наши християне и за то они их и вином чествуют. тии же приказныя по их прошению и росписываются.

И от сего показания разсмотрите благосовестне, которыи от обоих сих двоих, у оной подписки в силе будет состоятися, приказный ли той, который по прозбе християнина подписался, или проситель речете. то всяко и оная ваша клятва от сего ни мало что разликовати будет. Понеже и вы тех же внешних из милости просили и кланялись им, еже бы им вместо вас, в храм их сходити, в лице вашем тую еретическую клятву исполнити и обещашася. Вы же их во свою одежду нарядив облекосте и пославше. И егда они тако по прошению вашему исполнисте, и к вам паки возвратистеся. вы же за тое их исполнение поблагодариша, яко же некое от них благополучение себе приобретосте. Таже и по договору и денги им за то отдасте. Но еще же смотри и се: яко по кажной у внешней мирской подписки, первее росписчик свое им объявляет. потом же сказует, вместо того имярек, руку приложил. сказует вместо ваше же оная клятва зрится быти не тако но преисполнительнее оныя мирския подписки разсуждается быти: потому что вы оных неверных егда тую еретическую клятву исполнити их посласте, своя имена им дасте. Подобне же их на ся восприясте. и от сего тако разсуждается нам, яко данием своих вам имян онем неверным, в те поры вы аки во един дух с ними сложистеся, подобно безъимянны устроишася, егда они взяв ваша имена клятися ходиша. Но еще же и сие смотрите ми яко у оной присяги во исполнении тоя и руки ваша подписаны зрятся, якоже в начале приступа вашего к купечеству саморучно подписашася, тако и у клятвы оной, те же руки ваши показуются. Вы же глаголете, якобы в той присяге своима рукама не подписашася, но ин некто. Но буди по вам и тако якоже глаголете, яко и ин некий исполни. но обаче же любезнии, аще бы и ин кто по вам тако сотвори. Но сему статися отнюд не мощно, еже бы без повеления вашего кому и тое сотворити, но по вашему прошению и велению оно исполнися быти, и в лице вашем же, якоже и присяга учинися. Вы же ведуще тое ныне, и всегда знати будете, что во исполнении оныя еретическия клятвы имена ваша написаны суть. яко вы исполнисте ю, а не посылных вами. И тако по ныне и до скончания вашея жизни, и по кончине вашей тамо имена ваша будут пребывати. И тако сие вами исполнительное действо. И тако сие вами испольнительное действо. чтося вам мнит о том погрешность ли кая, или Матфею Иванычю и прочим ничтоже суть, покажите истинну от святых писаний. Понеже аз грешный, при приезде из Помория, и в примирении своем ко Алексею Яковличю, предложих ему своею о отце Андреяне омышление. Кая он во оно время благословное вменил бяше, а безсловесно наше оттуду нашествие разуме быти. о чем и сам будучи там в Помории подробну известихся, яко не лжа наша ему бысть о том представлении. И егда же вы с ним смиришася, и во сте статиях ево, положенный закон федосеев и новоженский, паче же прелюбодейческий молчанием прикрысте не повредиша. и он прежнее свое на вас в присяге вашей искание остави. Тако и о отце Андреяне на представление, ни за кую вещь нача вменяти. им же к нему под власть по вам сложися привлекати. Кое вам таковое его о том сложение, в немалую ползу сотворися быти. и аще же кому сия в вас вышеозначенная правостию сердечною, и благою совестию приуподобится разсмотрите, и что от того явится имать. яко ов убо закон федосеев и новоженский в церковь введе, вы же не разсмотря тако смиришася. Посему он на нас в присяге умолча искати, якоже в статиях положися. ин же своим рукоподписанием в силе никониян повеления, назва себе раскольником, сиречь по их разуму сложися в еретики себе тем названием определи быти. И сим именем себя названием раскольника, всеблагочестивое святых отец предание, и апостольское учение порек расколом, и нечестием и прелестию. якоже выше от указов показася. онех же нарече правоверными и благочестивыми християны, и сыновы святыя православныя церкви быти назнаменова. друзии же, ради облегчения двойныя дани, самым прямым видом, своим рукописанием, яве церковь их, сиречь попов благочестивыми. Вы же подобне сим в присяге своей такожде исполнисте церковь их православною нарекосте. и прочая. токмо чрез никониян, но по повелению вашему, и во исполнении тоя их еретическия клятвы в подпискою, лице ваше состоится, яко вы ю исполнисте, а не ин кто. и подобне сия яко мучителя прелукавствовасте, сиречь оманусте [обманусте?] [Кормчая, лист 261, прав. 5]. Такожде и самым делом во исполнении оныя клятвы, сиречь в пожрении. по вашему же велению в храме их к пожрению хождение бысть, и имена токмо бяху ваши а не иных кого. Но сие же сличное яве правильное запрещение, еже вместо себя иных послати пожрети идолом, еже есть. по правилу, собора иже во Анкире. правило, 9-е [лист 44, лист 261]. Иже не токмо сам пожер, но и иныя на то понудил. и Петра Александрийскаго, правило 6-е. Понеже нецыи понудиша своя рабы пожрети в них место идолом. понуждени убо едино лето покаяния дело да покажут. но понудившии же их, три лета да покаются. До зде правило.

Нам же о сицевых в вас исполнившихся трех вещех, и о трех вас отец разсуждается тако: не яко оно кое в вас погрешительное исполнение учинися быти: еже есть, блуд татьба, разбой, душегубство, и прочая таковая. но отступление православныя веры. самим делом показаша. потому что своим рукоподписанием онаго самаго преисподняго беса Титина, благочестивым и православным нарекоша, вы же о сем како разумеете покажите от писания. а нам сообразно является от истории, что прилучися во оно время [Бароний лето 449, чис. 1, лист 507]: Иже которыя пастыри Евтихиеву ересь подписанием своим похвалиша. тии Христа отрекошася, о чесом историк, Либерит диакон, в книзе 14 пишет сице: "иже Диоскору не изволяху, а Флавия защищаху. подписати повеле своя. или собора уставы Диоскор. им же не хотящим, повеле Диоскор пустити в церковь Елпидия с войны, и со оковами и путы, глаголя: или подпишите, или епископство оставите, и на изгнание отъидите. и подписавше первейшии сии суть. Ювеналий Иеросалимский, и Домн Антиохийский, и Василий Селевкийский, и прочии. [Ниже:] егда же онии епископы, иже страхом на ложь соизволиша, пред своими овцами укоряюще себе плакаху: яко трижды от Христа отрекшася. 1-е егда, Евтихия разрешиша. 2-е: егда ересь его похвалиша. 3-е: егда Флавиана со иными осудиша". До зде сие.

Кое записавшихся в расколе, по званию еретик неприличнаго християном гласа, глаголющаго где обретаются потаенныя раскольники явились бы во определенныя места. И сице они тогда услышавше оный глас, отзвахуся им злочестивым, мы здесь, и желаем в раскольники писатися. Зрите во всем образно вышеписанному, кои трижды от Христа отрекшеся, подписанием. аще и не глаголаша прямо Христа, но токмо на ложь Диоскору соизволиша: и неповиннаго Флавиана осудиша. а ересь его не словом, похвалиша, но токмо умолчаша, еже не обличиша ю: а писание причитает яко похвалиша. Сице и в раскольничей записке оной, может быть. Первое, что антихрист истинным Богом прославиша, а церковь их святою проповедаша. Второе, злочестивое их учение благочестивым воспрославиша. Третие, оному же антихристову учению, последующий народ, православными християны, и сыновы святыя церкви быти нарекоша. себя же определиша в лице еретик быти. Четвертое, Господа же Бога и Царя славы, лжеучителем и расколопрелестником порекоша. Пятое, святых же апостол предание, и святых отец, во святых книгах положенное, противным мудрованием, и раскольническою прелестию оглагола. Шестое, потом тако и всех святых в новой благодати Богу угодивших, и прочих всех православных християн вкупе с ними, прельщенными и с еретиками нарекоша. И таковое во оной по тех лукавому вымыслу записке в раскол показуется действо.

Сице же и еще разсуждается, еже бысть о ученице преподобнаго Паисия Великаго [Четия мин. июня 19, лист 125 обор.], егда сшествоваше ему евреин на пути, и начен ему беседова о Христе. глагола яко не у прииде Месия но еще будет. он же отвеща от невежества своего, сложныя ему речи, токмо изглагола, "может быти и тако": чесо ради благодать Святаго Духа отъиде. и крещения благодать отступи от него. Смотри же ми, яко не сатану православным и благочестивым нарече, и не яко подписахся ему в том, но просто и от невежествия своего токмо оному евреину потаковник сотворися: "может быти и тако рече", и от сего единаго слова что ему прилучися виждь и како о нем бысть. Вы же своего исполнения и за грех не полагаете. Ин же и прости не сказа не точию начало положи. и сличите вы вси свое действо с сим, и поразсудите благосовестно.

До зде второе.

Ныне же от некоторых братии ваших, нам известно сотворися [Здесь вместе о Романе повесть]: яко вся оная в вас бедственная душевредия молчанию предадеся, и кроме и от святых писаний о том смотрения. и брацкаго соборнаго праваго суждения, токмо едино о себе усоветоваша, кия в таковой мрежи увязнуша, ничего ни ком того не искати. якоже и заручительное вами писмо, кое соприслася показует и не стоющее разделения свидетельствует в нем. и о сем прошу ваше боголюбие, нам последнейшим и худшим объявити, что сие вами утвердися, еже ничего ни на ком за таковыя дела, не искати: противное ли кое православней церкви мудрование укрепися. или святоотеческое церковное предание быти устаменися. и согласно ли сие будет святым правилом церковным, и единомудрственно ли обычаю отец наших: явите истинну от святых писаний, и от священных правил церковных покажите праведне.

И аще паче чаяния, сие наше недостойных грубоначертание возмнится вам в неудобность и во огорчение быти: или яко в нем что речеся несмысленно како и неразумно от малоумия, и несмысльства нашего вообразися что. прошу вас еже во удобнейшее православней церкви целение и исправление, и верным душам християнским в надежное и несумненное спасение. учинить вам по святых писаний. согласное на то ответствование. и оно убо наше несмысленное грубоначертание обличить святыми церковными правилы праведное, в направлению нашего недоумения, по согласному отец учению. и укрепить тое обще всех нарочитейших братии ваших своеручным подписанием. в твердость нам. уверение вашего в том разсуждения. и аще оно согласно познаватися будет святых писанию, и единопоследовательно отец содержанию, и единогласно и единомудрственно тех явится учению. Готов во всем вся ваша хотения и желания исполнити повинутися. И прошу вас в том, нас бедствующих не оставити: как можно нас, вам Бога ради, хоша бы и в Помории допривадит. и не помышляйте нас яко некоего отцем быти противника, и развратника правыя веры: яко же нецыи от нерасмотрения святых писания, таковых нас непщующе быти, паче же и оглаголующе яве, и порицающе тако раскольником и развратником. аз же не вем, не вем себе коего в древлеправославныя церкве уставех, и во отцепреданных законех сотворшагося быти раскола, или кий разврат на погибель душам християнским учинившаго. Но такая отеческая предания, и Божиею помощию с любительным намерением по отцех слову, могу, хощу, и желаю. непоколебимо содержати, а еже о не сообщении с вами, тако нас порицающе оглаголуют, и аз же не свое сице затеях, или что возмнех. Но слыши прочее златоглаголиваго учителя словес о неисправляющихся и повредившихся что глаголет [Никон Черногор., слово 6-е]: "аще бо во удех гнило и неисцельно бываемое отсецаем, боящеся да не и прочее тело небрегуще, но прочее сохраните паче хотяще. Колми паче о недугующи на нас озлобе, сие же творити не не потребно есть. аще бо можем и о онех исправити. аще ли же они пребывают не исправлени, и нас повреждают; отсецатися и отметатися требе есть, многажды убо сице ползу приобретают паче". До зде святый Златоуст.

И поэтому писания свидетельству, тако и аз наблюдая то, опасение имею в том, еже бы вашему оному предъявленному неисправлению согласитися, и прочим отцы разрешенным противным мудрованием якоже предъявися. вкупе, и тое за ничто по вам положити, праведне вам в том не согласуюсь. и сицеваго ради вашего неисправления, и прочаго противнаго новозаконения и, таковых ради означенных вин, общения с вами не имею. Но прошу всегда тако вашу любовь и молю. и ныне паки таяжде повторяю. оная предъявленная наша о вас омышления, праведне разрешить по святых писаний силе, якоже и Василий Великий глаголет [Альфа, глава 104]: "свойство вернаго человека, иже во извещении писания слагатися силе реченых познаваема быти сказуют", или и о сем прошу вашу любовь тако исполнити, оная нами сия о вас вышеозначенная по вопросам нашим омышления, большим общебрацким советом от всех стран християн позванием купно общебрацким соборным, по святых правилом упразднить суждением. и избрати согласное отеческому преданию. и устаменити по разуму святых писаний, и оному последовати коемуждо принадлежит понести церковное покорение, и возмет в том по святых писанию исправление. потом же прошу вас и о нас бедствующих праведне разсмотрить по писанию. [исправление] аз не должен есть тому всеусердно покарятися. и сице тако всепокорно, и всесмиреноо честным стопам ног ваших кланяюсь. До зде старца Евфимия извещение, о происходящих действах. его своеручное написание.

Тако старец Евфимий совершенно посумнелся от сих случаев, иже бывающих, по его разсудку неправых. Но и еще тогда в них быша многия несоюзныя между собою брани, кои друг на друга они воздвижуще, поныряху якоже видно из всех его сочинительных писаний. А наипаче он описует всех тогда раздорствующих раскольниках. понеже множицею и святии издалече предзряще дни сия, оплаковаху в них грядущую беду, хотящую прийти на род человеческий. Велией быти глаголюще многокозненней прелести вражией. Смятение людем, ненавистем и враждованию, друг на друга, и друг друга предания на смерть. развращению церковному повсюду. востанию лжепророком, и лжехристом, и ложным учителем, их же сам Господь проявляя быти. Которыя могут, и избранных знаменми своими и чюдесы прельстити. обаче утверждает Господь избранных своих к ним вслед не исходити, и веры им не имети: "аще рече рекут вам се зде Христос, или онде". и проч. Что же в сие время не сказует ли кождо к своему Христу приходити на поклонение? ей всяко. ибо всякое раздорство и несогласие в законех, у себе Христа быти проповедают. якоже и Господь обещася в собрании веры до кончины века пребывати. "аще рече два или трие собрани о имени Моем ту есмь посреде их". И аще кто право верует, воистинну ту Христос пребывает. аще же и мало кто в чем несогласная святым учит и мудрствует, воистинну таковый есть лжехрист, и ложный учитель и пророк, лжу утвержая а не истинну, и ей сам последуя, и прочих привлекая последовати. Что же в сия дни плачевныя не мнози ли суть, мнят убегнути прелести вражией, и отступити богопротивнаго Никона патр. новопреданий, и вси тщатся имуще последовати святых отец. Промежду же себе велие несогласие и противность в законех имуще, и вражды, и которы имуще воздвижуще друг на друга ненавидят. Чесо ради и на многия секты раздробишася происходят, и друг с другом брань творяще спираяся ратоборствуют, яко пес заяца ненавидяще, и лисица кокош. и койждо их мнит свое согласие, или секту лучшую нынешних взаконити, и праве прочиих утвердити.

Сие все старца Евфимия в сумнение приводило, за то он и нача исчитати вместящия по его разуму, и сообразности святых писаний, и тако выставляет оныя на лице. И первое от малой самой причины, отчего в нем сумнение толко зачалося, как оно уже по себе и не составляло никакой важности, но ему и то возмнеся пагубное.

  1   2   3   4



Похожие:

Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconНазвание проекта, семинара, группы и т д
Описание, описание, описание, описание, описание, описание, описание, описание, описание, описание, описание, описание, описание,...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconИнформация об организации, Информация об организации, Информация об организации, Информация об организации, Информация об организации, Информация об организации, Информация об организации, Информация об организации, Информация об организации
Ние, описание, описание, описание, описание, описание, описание, описание, описание, описание, описание, описание, описание, описание,...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconИнформация об организации, Информация об организации, Информация об организации, Информация об организации, Информация об организации, Информация об организации, Информация об организации, Информация об организации, Информация об организации
Ние, описание, описание, описание, описание, описание, описание, описание, описание, описание, описание, описание, описание, описание,...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconМоу сош №13 ст. Новоджерелиевская Пресс конференция «Поэзия подвига»
Мы проводим пресс – конференцию на тему «Поэзия подвига», на которой присутствуют корреспонденты, а также гости
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconСценарий вечера встречи с выпускниками школы всем! Всем! Всем!
Она широко распахнет свои двери всем своим выпускникам 28 января 2006 года в 18 часов
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconДокументы
1. /Ответ християн на тетрати ис помория.doc
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconРусская катакомбная церковь истинных православных христиан
Александра Писаревского, молодежнаго (обновленческаго по сути в своей любви к сергианству) идеолога Русской Православной Старообрядческой...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconРусская катакомбная церковь истинных православных христиан
Сей Граматой свидетельствуется, что протоиерей борис (в мiру Борис Михайлович Лазарев, 07. 1971г р., уроженец града Москвы) является...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconАнализ работы муниципальной опытно-экспериментальной площадки моу сош с. Узморье «Гражданско-патриотическое воспитание на примере жизни и подвига Ю. А. Гагарина» за 2009-2010 учебный год
С сентября 2009г на базе моу сош с. Узморье действует муниципальная опытно-экспериментальная площадка по теме «Гражданско-патриотическое...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconРусская катакомбная церковь истинных православных христиан
Москва) с 14 декабря 2005г по 2 августа 2006г сокрывала на катакомбном положении архиерея Русской Катакомбной Церкви Истинных Православных...
Описание достоверное, о житии, и о всем произшествии подвига, бывшаго старца Евфимия. Кой бысть знаменитым, и начальным предводителем православных християн; странствующаго согласия iconПослани е освященного собора катакомбной церкви истинных православных христиан
Господних (Ис. 40: 3; Мф. 3: 3; Лк. 1: 76). Господь Бог показывает нам события во всем мiре так, что мы обязаны избавиться от всего...
Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов