Шиирар Ктаб туькIуьрайди Н. Мамедалиев я Махачкала, 1992 кьилер icon

Шиирар Ктаб туькIуьрайди Н. Мамедалиев я Махачкала, 1992 кьилер



НазваниеШиирар Ктаб туькIуьрайди Н. Мамедалиев я Махачкала, 1992 кьилер
страница3/3
Дата конвертации18.11.2012
Размер0.61 Mb.
ТипДокументы
1   2   3
1. /Лезги _Нямет.docШиирар Ктаб туькIуьрайди Н. Мамедалиев я Махачкала, 1992 кьилер

Чизва заз

57

Чи пачагьдин, чи шагьдин Акун-такун чизва чаз. Чи элдин - чи аллагьдин Гьанихъ чIугун чизва заз, Акун-такун чизва заз.

Мад лугьумир: «Кис я вун, цIай кумачир гьис я вун... Гилани чир тахьайтIа, Кьилени сир тахьайтIа, Кьур акътай луьз я вун, Гьелени ферсиз я вун».

1980

Фехри хиябан

Баку. Фехри Хиябан. Кьуд пад вири къацу тар. Хурал цуьквер рахазва паркаравай тегьерда. Хкаж хьанва накьварилай гьар журедин гуьмбетар. Налугьуди, эл ава цуьк акъудай шегьерда.

Баку. Фехри Хиябан. Гатун бере. Нисин чIав. Садлагьана пакаман нур чкIана сурарал. Къванераллай цифраяр башламишна рахаз зав, Мейитарни, цуьквер хьиз, къвез ацукьна чIурарал.

Сада «зун кьве югъ вилик къейиди я» лагьана, Сада са къад йис гьадал артухарна вичелай. Сада «зун цIайлапанри хайиди я» лагьана. Сада чирна кьилин къван савкьат хьунухь хцелай.

Сада кьве куплет шиир, сада мани туькIуьрна. Садани ихтилатна илимдикай, гафункай. Сад рахана акьулдин чирагърикай куькIуьрна. Гьич садани фикирнач инаг сурар тахьункай.

Сурар кьве кам анихъ кьакьан пелел алай тир... Анаг гила тарари элкъуьрнава тамариз! Гьанихъни, гьа инихъ хьиз, зурба къванер галай тир, Гила абур виринин гадар хьанва кIамариз! Йисар къвез физ алатна дегиш хьана тIебиат.

Накь сур алай гьар санал къе цуьк ала, багъ ала. Хиял дегиш жедай хьиз, дегиш хьана гьар са сят, Чи кIвач хкур дуьньядин гьар тамунал рагъ ала. Фехри Хиябанда зун къекъвена са гзаф тек. Вишералди инсанар къвез-хъфена вилик зи. АламачтIан садални вичин либас, вичин пек, Абур чпин гьалдилай вири сад хьиз тир рази.

58

Агъа пата шегьерда рапIрапIзавай либасри. Амма сабур авачир иесийрин рикIериз. Зи вилик квай сурарин накьварик квай алмасри Чпихъ амай кIусарни элкъуьрзавай цуьквериз.

Баку, Фехри Хиябан. Чемберакент. Дуьзен пел. Девирдавай яргъариз тухванва зун хиялри. Вилик хкIур гьар куьни зи мефтIедал тазва гел Кармашзава гафарни диб авачир суалри.

1981

Тарих кIелна

Тарих кIелна Ватандин -Мидиядин, Алпандин, Са пай фена зи чандин... Диб хкатна зи тандин...

Вилерилай къарагъна зи: Виш йисарлай вилик квай, Къе чарадан гъилик квай ЧIехи чуьллер,

дагълар-гьуьлер,

цавар-чилер

шегьерар...

Вилерикай карагна зи: Фадлай чIулав чилик квай, ВацIарик квай,

гьуьлуьк квай,

Гьидан-гьадан кьуьлуьк квай Стха эллер,

хуьрер-кIвалер, Хуьреравай,

кIвалеравай

бегьерар...

Вилерикай карагна зи...
Кефер патай къибле патаз Къубуяр хьиз авахьзавай, Хам чилерал алахьзавай Хазар,

гьунар,

половецар,

хахулар... Къелемдикай цIай хкатна,

зав агатна,

Кьур акъатай кувари хьиз. Ялав кьуна,

къилав къуна

зи вилик квай чарари,

59

Жакь-жакьна зи сарари. Алемдикай къай хкатна,

гар акъатна, Аяз гьатай сувара хьиз, Къирав кьуна,

хашлав кьуна

зи гъилик квай цIарари. Алем кана. Къелем кана. Iарабрикай хъуьмер хьана,

зун цIаярал аватна. Зи агь,

зиуф, Кьилер хана,

гъилер хана, ХкIур цIаяр эх тахьана,

мад къаярал аватна. Чи кIвалера,

чи гъилера Чи бубайрин

эхир хьанваз

акуна заз

Иранвийрин кьилерикай, Аранвийрин гъилерикай Iуругуд лагаьй виш йисариз

вуч авуна шеъийри? Ширвандикай, Шабрандикай, Саляндикай, Сарвандикай, Саки вири Ватандикай Къемед кьацIар кIев хъийидай

муч авуна шеъийри. Сефевиря -

дин дин къаяр: Гьемеданда битмиш хьайи

Гьемеданрин халис таяр -Шагь Исмаил,

Жуьнейд,

Гьейдер, Мирзе Тагьмас

Шагь Аббас ФенатIани дуьньядилай Чпин цIуру амалар гваз, Кьилер хунар,

хур гатунар, Ламари хьиз ар ягъунар

гзафбуруз амукьнава гилани кваз

адетар. Надирарни

Къажарарни

60

ЧукурнатIан дагъ эгьлийри,

чпин хайи чилерилай Хъфиз хьанач лезгийривай Чпин чилел

чпин гъилив

чпи авур гелерлай. Архаяр тир гуьржияр

Урусатдив агатна,

азабрикай хкатна. Тек амукьна ЦIарин ватан -Зи рикI,

зи чан,

зи Лезгистан Эбеди яз мугъулрин

кIвачик-кIурук какатна,

сур тамарив агатна. ЦIекIуьд лагьай йисариз

кьуна кафказ урусри. Чпин кьилин,

гъилин гьунар Къалурна чаз урусри. Къад лагьай виш йисариз

хкажнатIан кьил чна Мусурманар я лагьана,

Мад вахгана шеъийрив -Иранвирив гъил чна. Совет хьана...

Гьахъ рахана

26 Комисарди фарман гана, ВахганатIан чилер чав Мусаватдиз рул тагана

кисна лугьуз

Гумукьнач чи кьил ер чав. Хкана туьрерал чан, ТуьхкIуьрна Азербайжан

лекIрин гъиляй акъудна,

тарихдикай хкудна. Туьркерини лезгияр Са пай чпив агудна,

амай пай советрин

пак рекьяй алудна,

стулрилай авудна... ГьакI ятIани,

Амазма чун лезги яз. Амазмачун... Амазма чун

гъилик-кIвачик

кумаз юзун,

хьанваз къазун Заманадин гуьгуь яз -

61

Лезги яз. 1983

Зи КцIар

Мад сеферда ахъайна вил, фагьумна за дагъ, дере, гьуьл. Цавун черчин хунча яз чил, Гуьрчегвилел гьейран я зун. Герчеквилел гьейран я зун.

Чилин винел, цавун кIаник, Каспид къуьнел, Шагьдин гиник Са район ква, саки са цуьк, Вич теквилел гьейран я зун, Гуьрчегвилел гьейран я зун.

Са кьил дагъ я, са кьил аран, Беден багъ я, вич экв яран. Юкь чи рагъ яз Суван, Ларан, ТIвар я адан КцIар район; Гуьрчегвилел гьейран я зун.

Ина дагъдин багъман я рагъ, Ина багъдин Лукьман я рагъ. Инаг, ам вич авай саягъ Район тушиз женнет я кьван, Дагълар адан зинет я кьван.

Ина цуьк я чуьлдин лифер, Ина чиг я кьиблен кефер... Инаг, йиф яз йикъан кефер, Вич гуьзелдин суьрет я кьван.

Ина кьакьан дагълар гуьзел... Ина йикъан багълар гуьзел... Инаг чил я халкьар гуьзел... Гуьзелвилин рикI я КцIар, Вич са гъвечIи цуьк я КцIар.

Мад сеферда рамна къелем, Фагьумна за вири алем. КцIар хьтин гуьзел, бегьем Гьич са чилни акунач заз. Гьич са чуьлни акунач заз.

Бейкеф тахьуй Азербайжан, ГьакIни чIехи къадир Ватан. Кьведни рикIиз ятIани кIан,

62

КцIар вилин нине я зи. КцIар хайи бине я зи.

Чилин винел, цавун кIаник, Гьуьлуьн къуьнел, дагъдин гиник Са район ква - саки са цуьк. ТIвар я адан КцIар район. Герчеквилел гьейран я зун.

КцIар - зи рикI, КцIар - зи чан. КцIар - зи цуьк, КцIар зи ван. Даим жаван КцIар жуван Гуьзел хьунал гьейран я зун. Гуьзелвилин къурбан я зун.

1984

Лезгияр

Лезгияр - лекь, Лезгияр - кIел, Лезгияр - кас

несилрикай

атайди я арадал. Ахпа абур хьана хел-хел, Бубайрилай амай эфзел Къалин руквар Малар-мулкар, Гьуьлерин кар Гьалтайди я гьарадал. Лекьер дагъда, Iелер багъда, Терекдилай Араздал кьван, Кевер пата,

Касар гьуьлуьн къерехда Кьибле пата, Магъриб пата

мадни гьакьван Хьайиди я бинедлай, Абур ина

Агъзур-агъзур йисаралди Несил-несил

эсир-эсир

яшамиш жез, Фейиди я дуьнедлай. ГьакI тирвиляй Гьелени и тIвар алай Лезгидихъ пуд хесет ква: Лекьвал, Iелвал,

63

Итимвал.

Ягъийрини

И хесетар чирна михьиз,

вагьшийри хьиз, Гьужумайд я лезгидал. Лезги лекь хьиз акурла, Ажузбур хьиз

къалурайд я чпи чеб. Лезги кас хьиз акурла, Ужузбур хьиз

машгьурайд я чпи чеб. Лезги кIел хьиз хьайила, Мез-гъвел ийиз, СикIвал хийиз, Къачурди я гъилиз ам. Ахпа кIусни инсаф тийиз, луматIвилиз,

жаллатIвилиз, вегьейди я гьуьлуьз ам. Гьавиляйни Бубайри тур

чилер гъиляй акъатна, Йисаралди дувул кутур

чуьллер гъиляй акъатна, Дагъларин са дереда Хилер атIай

тар хьиз ама лезгияр. Гьавиляйни,

гьидан-гьадан кIвачин кIаник

какатна, Рехъ алатай

хвар хьиз ама лезгияр, Харци гатай

пар хьиз ама лезгияр. Яраб чара авач жал? Ава.

Чпин дидед чIал Кьилел кьуртIа тIаратI хьиз, Кавказда мад вичин чка

хъижервал я лезгидиз. Амма къени гзафбуру

ахъай тийиз захавал, Са кIус хкаж хьунни кумаз

ийиз ава

чпинбуруз хахавал... Маса халкьар акун пис -Им я пис. Ачух рекьер, Шадвални хъвер

64

Ни чирда кьван лезгидиз?

Анжах вичи!

Эгер таран дувул тамам

туштIа пичIи, Адакай мад Емиш гъидай тар жеда. Чаз икI чида -

(фикир я чи) Касвал кумай Лекьвал кIамай

лезгийрикай Мадни лезгияр жеда.

1984

Хъел атана...

Зун лезгидал рахадайла, Хъел атана «чIехидаз». «Вун вуж я бес?» лагьайла, Шел атана

адан патав акукьнавай

рехидаз. Низ чидай кьван Буба лезги,

хва магъул,

хтул урус жедай чIал? Низ чидай кьван Миллет маса гузвайбуруз Рахун турус жедай чIал? Гьар гьикI ятIан, Зун лезгидал рахайла, Хъел атана «чехидаз». «Зун лезги я» - лагьайла, Шел атана рехидаз.

1984

Хер алай мани

Са касди ви чIутракай фил авуртIа, Вавай адан къветрекайни гаф жедач. Авам ксар геж акьада гъавурда, Къавал кьиле са кIусни инсаф жедач. Вавай адан къветрекайни гаф жедач.

Цав кьакьан я, чил кIеви, Гъед масан я, гьуьл кIеви. Къелемда лаш акьазва. Алемда лаш акьазва.

65

Гьинай гъида кьил кIеви?

Пехил рикIер пад хьурай. Набут рекьер яд хьурай. И дуньяда гьамиша Шад рикIер азад хьурай.

Эгер за ваз вун угъри я лагьайтIа, Угъри ятIан, хъел къведа ваз. Кьабулдач. Ви тIвар кьуна ришветдикай рахайтIа, Дугъри ятIан, хъел къведа ваз. Къабулдач. Угъри ятIан, хъел къведа ваз. Къабулдач.

Цав мили я, чил мили. Гьуьл мили я, чуьл мили. Къелемда лаш акьазва. Вуч хъувурай мад кьили?

Пехил рикIер пад хьурай. Къаяр-мекъер яд хьурай. И дуьняда гьамиша Шад рикIер азад хьурай.

АкуртIа ваз, паб къанатI я, гъуьл къанатI. Фенвай кIваляй ценер кьуна катда вун. АхкуртIа ваз цав къанатI я, чил къанатI, Ватан туна гьинихъ рекье гьатда вун? ВучайтIани, эх тахьана кIватда вун.

1984

Мехъерин манияр

Кавха

Заз мекьида, чан диде. Къвезвани зи ван, чан диде? Заз мекьида кавал гъваш, Кавхадин свас къавал гъваш.

Дагъдин чина дагъ ава. Дагъдин чина багъ ава. Кавхадин свас чирагъ я, Адан чина рагъ ава.

Заз мекьида, чан диде. Ваз хьурай зи ван, диде. Заз мекьида кавал гъваш, Кавхадин свас къавал гъваш.

66

Дагъдин синел къав ала. Тавдин синел къав ала. Кавха кIваляй катнава. КIвалин гъенел гав ала.

Заз мекьида, кавал гъваш. Кавхадин свас къавал гъваш. Заз мекьида, чан диде, Хьухь баладин ван, диде.

Дагъда къаяр бул жеда. Багъда къаяр бул жеда. Свас чи кIвализ къведалди Зи чанда мекь-фул жеда.

Заз мекьида, чан диде, Хьухь зи ширин ван, диде. Заз мекьида, кавал гъваш. Кавхадин свас къавал гъваш.

Арачи

Я арачи, арачи, Ша акъвазмир гара чи. Мелер ава пара чи, Кьуьлер ама фадра чи.

Я арачи, арачи, Вахт къачумир пара чи. Iелер ава пара чи. Гам амазма тара чи.

Я арачи, арачи, Ша акъвазмир хура чи. Iуру жеда хара чи, Вун атIуда яра чи.

Я арачи, арачи, Ша ягъмир ара чи. Дустар жедач чара чи. Ви кьил гьатда сара чи.

Я арачи, арачи, Ша атIумир чара чи. Вакай тахьуй къарачи, Чакай тахьуй арачи.

Арачидин мани Ягь, гада, ягь, гада.

67

Ша манияр лагь, гада. Ягь, гада, ягь, гада. Вун я къенин шагь, гада Ягь, гада, ягь, гада. Мад чIугвамир агь, гада. Ягь, гада, ягь, гада. Вуч хъсан я, пагь, гада. Лагь, гада, лагь гада. На манияр лагь, гада. Ягь, гада, ягь, гада.

Мехъер кIвале дем ава. Мехъер кIвале тIем ава. Мехъер кIвалин гьаятда Са маса алем ава.

Ша лагь яран дидедиз. Ша лагь чамран дидедиз. Лезгинка ягь, капар ягь. Ша лагь сусан дидедиз.

Кайванияр сад хьурай. Кайванияр шад хьурай. Гъенел алай къавумар Вири санал кIватI хьурай.

Рушар атуй кьуьлериз. Сусар атуй кьуьлериз. Папари кьуьл тавуртIа, Регъуь хьурай гъуьлериз.

Ша лагь яран бубадиз. Ша лагь чамран бубадиз. Ван чукIурай мехъерин Вири элдиз, убадиз.

Кайванияр сад хьурай. Кайванияр шад хьурай. Гъенел алай къавумар Вири кIвализ кIватI хьурай.

Фад атурай тамада. Шад атурай тамада. Арачидиз эрекь це, Хъвадай такьат куматIа.

Демина манияр

68

Буба кIвализ хтайла, Хва къарагънач къулавай. На лугьун, и чIехи кIвал Адан гъвечIи кIулавай. Ван хкажна бубади. Жаваб гана гадади.

- Чир хьухь, къенин йикъалай
Зун я азербайжанви.

Гила зак вуч пай ква ви? Диде кардик экечIна, Амма вахар вирини Стхад патаз экъечIна. «Лезгидикай вучда кьван? Санани тIвар авачир? Гьич санани са къуллугъ, Са ферли кар авачир?»

  • Бес лезги чIал? Лезги намус?...
    Кас акъатна къапарай.

  • Ам лезгидихъ мус хьана, мус?
    Куьз герек я тапарар?

Къе гьар юкъуз кьве виш кус Магъулви жезвай чIавуз, Вучиз на чун вегьизва Чим кумачир лезги цIуз? Зун я азербайжанви. Гьа икI чукурайди я Вичин гьалал къулавай Магъулвиди алпанви. -Хъалгъана хьиз, гада мад Акайривай къекъечIнач. Вучиз ятIан, кьуьзуьд фад Лезгивилив эгечIнач... Пакад юкъуз куьчедай Вичин паспорт гъилеваз Физвай а кас тади кваз. Жузур чIавуз авайвал Ихтилатна ада заз. Ам алатна.

Рахана зун жуваз-жуваз: «Зун я азербайжанви. Гьа икI чукурайди я Магъулвиди алпанви. Магъулвиди алпанви».

1984

Лезги намус

69

Лезги нямет, КIевна кьил-мет, Мадни хелвет Хъияхъ къелем. Пис ятIани, Кис ятIани Вид я мадни Лезги алем. Хъияхъ къелем, Хъияхъ къелем.

Лезги Нямет, Куьлли гьуьрмет, ГьакIни сервет КIан жемир ваз

элдивай. АкуртIан бул Азаб-зиллет, Набут-небгет, Жемир-яргъаз

селдивай,

элдивай.

Шаир анжах Вичин элдин Гурлу селдин Къалин-къалин Къатарик квай Паразитри писарда. Шаир анжах Вичин кIвалин Вичин чилин Ятарик квай Гьашаратри кисарда.

Кис жедач вун, Пис жедач вун. Рагъ амай кьван

дуьньяда. Лил къатаркай Куьз жедач вун Сагъ амай кьван

Дуьньяда. Лезги нямет, Рамна зегьмет, Мадни хелвет Хъияхъ къелем.

Хъияхъ къелем

70

1985

Кьудар

Гьар гьи касди гзаф ксар кьейитIа, «Кьегьал я ам» - лугьуда. Сад масадал гъил хкажна фейитIа, Къазаматдиз ракъуда.

Рехъ гьазурай, муьгъ эцигай кьегьалдин iварни кьадач дуьньяда. Тур юзурдай, чил гъиликай кьавалдин Шикил жеда рамкада.

Накь угъри тир, къе дугъри я тIвар адан Ацукьнава тахтунал. Гьич саданни рикIелламач тIвар адан. Тахсир ала вахтунал.

Ни гьикI кьуртIа гьакI жеда И дуьньядин кар-кIвалах. Гьарда вичин келледив Алцумзава гьар кIвалах.

Ягьсуз ятIа вуж пара, Гьам я гзаф варлуди. ГалачтIани гуж пара Лам я гзаф варлуди.

Су ал гана сада заз: Дидедин чIал чидан квез? - Как будто зун тупой я, Ана дили чир тежез.

Гуьзел сифет акурла, НуькI цуькведал ацукьна. Цацар рикIиз хкIурла, Ам чIагана амукьна.

71

«АгъузайтIа чуру я, ВинизайтIа спелар». Гзафбуруз гьавиляй Iани туш и «чепелар».

чIехивилин патахъай Бармакни кьил ккана. Бармакда лаш акьурла Кьилин мастар чкIана.

Кар туьквейла са касди: «За авурд я», - лугьуда. Къул туьхвейла а касди, Тахсир вичик кватIани, «На авурд я», - лугьуда.

Варлу хьайи са бенде Гьакь хъувунач къапара. Кесиб хьана са бенде, Катна мукьва-кьилидни, Гьат хъувуна къакъара.

Эвел руфун, ахпа жув, Ахпа масад - им я гьахъ. Чакъалди хьиз ягъиз къув, Жуван чене галудмир Гьинал-гьанал гьахъ-нагьахъ.

Кьиликай дагъ авуртIан, Гатфарикай зул жедач. Гьикьван жафа чIугуртIан, Тарашчивал тавуртIа, Кесиб кIвале пул жедач.

Гьич садазни кьуьдни гад Дуьз хьана сад хьайид туш. Куьн тавуртIа туттутн хад, Гьич садазни варлуда

Вадар

72

Кис хьана фу гайид туш.

Кьил авайдаз жедач пул. Пул авайдаз жедач кьил. Гьар гафуниз чIугваз къул, Гьахъ тийижиз, таб кхьиз, Галудмир на жуван гъил.

Дуьньядин шагь пул я къе, Пул рикIерин фул я къе. Бензин иви, мотор чан, Шинни машин нефес, ван, Ракь рекьерин руль я къе.

Чилел гьеле каш ала. Кьилел гьеле лаш ала. Лугьузва хьи, чилел хьиз, Лашар алай кьилел хьиз, Цавални дашбаш ала.

Сивиз дапIар яна чи. РикIиз къабар яна чи. Гафар вири къакъудна, ЧIал аршиниз акъудна, Кьилизни пар яна чи.

КIела, кIела, мад кIела, КIевиз кIела, фад кIела. КIан хъижемир якIни чIем, Агакьзамач мад чи тIем, Мадарна фу-яд, кIела.

Амач я хан, я лукI чаз. Бул я «къачун», «алукI» чаз. Базар багьа, пул ужуз, Гуж гумачиз шей къачуз. КIамач я пек, я рух чаз.

73

Гатуз чиле цIай жеда. ХъуьтIуьз кIвале къай жеда. Гзаф кIвалах авурдан, Кьил са патахъ тавурдан Хзанда агь-вай жеда.

Эвел хуьре бег хьана. Бег магьалда тек хьана. Гила шумуд директор, Гьар са кIвализ ягъиз кIур, Авазва чаз кIек хьана.

Эвел хуьре хан хьана. Хан хуьруьз такIан хьана. Гилани райисполком, АтIуз шумуд кIвалин гум, Къвезва цIайлапан хьана.

Эвелра чаз ник авай. Кьве яцни са вик авай. Гила машин-трактор Бул ятIани, ваз акур НикIер амач цуьк авай.

Дуьньяда са гаф ама: «Цавухъни инсаф ама». ГьакI ятIани эвел хьиз, пад кумачир хивел хьиз, Гафун сивел каф ама.

Пабни итим сад я къе. Шагьни етим сад я хъе. Кьефесдавай къушар хьиз, Къелемдавай къашар хьиз, Чун вири азад я къе.

Дуьньяда са сир ама: «Чилихъ уба, сир ама».

74

Амма гьар са шегьерда Чуьлда жедай тегьерда Гьар жуьре ничхир ама.

Цавун гъиле хар ама. Чилин кьиле гар ама. ГьакI тирвиляй дуьньяда Темягь амай бомбада Сефигь инсанар ама.

- Зи къуншиди Гьамидан
Гъен шткана хтана.

- Кул я ман.

- Ви къунши чи чIехидан
Стул хьана датIана.

- ТIул я ман.

- Куь гадади чи салан
РакIар кьуьлуьв кукIварна.

- Нагьахъ я.

- Чи хци куь Мурсалан
Далу гъутув кукIварна.

- Ахмакь я.

- Я Мурадхан, куь гада
Кар алакьдай гада я.

- Шад я зун.

- Ам, - лугьузвай Испата, -
Юкъуз-йифиз пиян я.

- Сад я чун.

Демекда сикI акуна Рахаз хьанач кацивай.

  • КIвалах туш.
    Хъел атана дакIуна,
    Акъваз хьанач кацивай.

  • Дамах туш.

Ругудар

75

Прототип шаирдин Кабинетдиз атана.

  • Хам я жед.
    «Образ тир ви шиирдин
    Итим зун туш» - лагьана.

  • Лам я жед.

- Мурад вилик чIугунва,
ЧIехид адан вуж ятIа?

- Халу я.

- ЧIехидан кар акунва
Гьадалайни чIехида.

- Гьахълу я.

- Зи гъуьл чIалай акъатна,
Завай михьиз къакъатна.

- Бахтавар.

- Вунни бахтлу хьурай ман,
Гъуьл кьилелай алатна,

- Лал, санкIар.

Ихтияр це, «чIехид», заз, Пехърекай са кьвед ийин.

- Ая ман.

- АкI ятIа на рикI алаз

Чи кIвалахдик кутур къуьн.

- АтIутI ван.

Ихтилатна гьарайна за,

Гаф бишидаз ван хьуй лугьуз.

Ван хьанач.

Милиз рахун кьарайна за Жув ягъидаз кIан хьуй лугьуз, КIан хьанач.

ШукIвал хамун кIаник жеда, Иви хъунихъ къаних жеда:

Аквадач.

Рагъвалдихъ гьа къилих жеда, Тум атIайла синих жеда:

ДакIвадач.

76

Къумкъумаяр аквадамаз, Хар акъатна Алидиз.

- Жимид я.

Чепелухъар аквадамаз, Хъуьрена ам милидиз.

- Кимид я.

Хамар чIукда чIумаруфди. Яраб диде вуж ятIа.

- Бугъубугъ.

Серинарда сив хъатухди, АмукьайтIа вуч ятIа?

- Цуру тугъ.

Муьжуьдар

Бязибуруз, чин тийир, Ламран тIварни балкIан я. Бязибуруз ламар кьван. БалкIанарни такIан я.

Себеб вуч я лугьуз за Гьар куьчедлай фидайдаз. Адан себеб чир жеди Ламни балкIан чидайдаз.

Акуна заз са билбил Тарцин хилехъ галукьна. ШупI хьана кIуф, хана кьил, Чилел чинихъ алукьна.

Адахъ галай са гъалатI Гарув гьужет авун тир. Муькуьдини - вилик пад Хъсан фагьум тавун тир.

77
1   2   3



Похожие:

Шиирар Ктаб туькIуьрайди Н. Мамедалиев я Махачкала, 1992 кьилер iconДокументы
1. /1992 - Гуляй Мужик/01 - Гуляй, мужик!.txt
2. /1992...

Шиирар Ктаб туькIуьрайди Н. Мамедалиев я Махачкала, 1992 кьилер iconДокументы
1. /1992 - Гуляй Мужик/01 - Гуляй, мужик!.txt
2. /1992...

Шиирар Ктаб туькIуьрайди Н. Мамедалиев я Махачкала, 1992 кьилер iconДокументы
1. /(1992)5150ep/Merry Muthafuckin X-Mas.txt
2. /(1992)5150ep/Neighborhood...

Шиирар Ктаб туькIуьрайди Н. Мамедалиев я Махачкала, 1992 кьилер iconДокументы
1. /(1992)5150ep/Merry Muthafuckin X-Mas.txt
2. /(1992)5150ep/Neighborhood...

Шиирар Ктаб туькIуьрайди Н. Мамедалиев я Махачкала, 1992 кьилер iconТурции судебное решение от 18 декабря 1996 г
Главном управлении по безопасности в Кизилтепе на юго-востоке Турции в конце ноября 1992 г. Его содержали под стражей по меньшей...
Шиирар Ктаб туькIуьрайди Н. Мамедалиев я Махачкала, 1992 кьилер iconУважаемые коллеги!
Приглашаем Вас принять участие в работе Международной научно-практической конференции «Модернизация системы непрерывного образования»...
Шиирар Ктаб туькIуьрайди Н. Мамедалиев я Махачкала, 1992 кьилер iconН. Н. Моисеев пишет, что его рассуждения, приводимые в статье, стимулированы статьей С. И. Яковенко «Об организующем и разрушающем воздействиях в природе» («Вопросы философии» 1992 №2). Но статья Моисеева не коммент
Список литературы: Моисеев Н. Н. Проблемы возникновения системных свойств//Вопр философии. М. 1992, №11
Шиирар Ктаб туькIуьрайди Н. Мамедалиев я Махачкала, 1992 кьилер iconМинистерство образования и науки российской федерации (минобрнауки россии) приказ
В соответствии со статьей 28 Закона Российской Федерации от 10 июля 1992 г. №3266-1 «Об образовании» Ведомости Съезда народных депутатов...
Шиирар Ктаб туькIуьрайди Н. Мамедалиев я Махачкала, 1992 кьилер iconМинистерство образования и науки российской федерации (минобрнауки россии) приказ
В соответствии со статьей 28 Закона Российской Федерации от 10 июля 1992 г. №3266-1 «Об образовании» Ведомости Съезда народных депутатов...
Шиирар Ктаб туькIуьрайди Н. Мамедалиев я Махачкала, 1992 кьилер iconМинистерство образования и науки российской федерации (минобрнауки россии) приказ
В соответствии со статьей 28 Закона Российской Федерации от 10 июля 1992 г. №3266-1 «Об образовании» Ведомости Съезда народных депутатов...
Шиирар Ктаб туькIуьрайди Н. Мамедалиев я Махачкала, 1992 кьилер iconДемьянов в. И
Демьянов в. И., капитан на судах Мурманского тралового флота. Возглавлял экипажи траулеров «И. Сивко», «Лот», «Джугба» в 1960-х годах....
Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов