Чи чкайрин tibapap абур гьикi чирна kiah3aba? icon

Чи чкайрин tibapap абур гьикi чирна kiah3aba?



НазваниеЧи чкайрин tibapap абур гьикi чирна kiah3aba?
страница5/9
Дата конвертации14.11.2012
Размер1.11 Mb.
ТипДокументы
1   2   3   4   5   6   7   8   9
1. /Лезги_топонимика.docЧи чкайрин tibapap абур гьикi чирна kiah3aba?

Вири санлай 50 хуьр жезва. Амма алай вахтунда Къубада сиягьдин эвел-да къалурнавай 5, КцIара 8, Хачмаза 5 хуьр амач ва и райондин 3 хуьруьн тIварар дегишарнава. Гила и районра чпин тIварцIихъ "хъишлах" компонент квай 29 хуьр ама ва абурукай са бязи хуьрера лезгияр яшамиш жезвач. Гьа са тIвар алай Хъимил хъишлах, Сусай хъишлах, Мирзе хъишлах хьтин хуьрер гьам Къубада ава, гьамни Хачмаза.

Са бязи алимри "хъишлах" компонентди анжах сложный ойконимар арадал гъизвайди къалурнава. И фикирдихъ галаз тамамвилелди рази хьунухь мумкин туш. Вучиз лагьайтIа XIX виш йисан эхирралди чахъ чпин тIварар анжах "хъишлах" гафуникай ибарат тир 7 хуьр авай. Ибурукай 4 Дагъустан-дин Хъуьляр, Даьдхуьр, Къуруш ва Фияр хуьрерин агьалийри "Хъишлах" тIвар алаз бине кутур хуьрер тир. Амай 3 Хъишлах хуьруькай сад Къуба-дин, кьвед Хачмазин чилерал алай. Хачмазин кьве хуьруькай садаз Ахцегь хъишлахни лугьудай.

Гьам чи, гьамни маса халкьарин алимри кхьизвайвал, лезгийрин яшайишдин маканрик къазмаяр ва ятахарни акатзава. (Килиг: Агаширинова С.С. Поселения лезгин в XIX- начале XX века. Ученые записки ИИЯЛ, т. VI. I959. Панек Л.Б. Жилище лезгин. // Материалы по этнографии Грузии. Вып. IX Тбилиси, I957.). "Уба" ва "хъишлах" хьиз "къазма" ва "ятах" гафарни туьркизмаяр я. Гьеле и гафарикай менфят къачудалди лезгийри и жуьредин хуьрериз "цIийи хуьр", "гъвечIи хуьр", "агьа хуьр", "... хуьруьн хуьр" лугьудай. Гьавиляй XVII виш йисан чешмейра ва I700-I720-йисарин хроно-графра чал чпин тIварцIихъ "уба", "хъишлах", "къазма", "ятах" компонентар квай лезги хуьрер дуьшуьш жезвач. Гьатта Къуба ханлухдин I796-йисуз туькIуьрнавай хуьрерин сиягьдани ихьтин тIварар авач. (Килиг: История, география и этнография Дагестана XVIII-XIX вв. Архивные материалы. М., I958. ч. I44-I49).

Аквар гьаларай XVIII асирда чи цIийи хуьрерин кьадар мадни артух хьанай ва абурун бине кутур ксари и яшайишдин маканар гьикI арадал атанатIа къалурун патал маса чIалан гафарикайни менфят къачунай. Месе-ла, хуьруьн майишатдихъ галаз алакъалу яз инсанар хуьруьвай яргъара къарамалар, лапагар хуьз ва я багълар кутаз мажбур хьанай. Абуру йиса са шумуд вацра амукьун патал и чкайра чпиз къул туькIуьрдай. Чпихъ кьил-ди хуьр, кIвал-югъ авайвиляй малдарри ва я багъманчийри инра халисан кIвалер эцигдачир, чилик атIанвай кIвалер арадал гъидай ва абуруз "Чилин кIвалер" (туьрк чIалалди "къазмаяр") лугьудай. Авайвал лагьайтIа, "чилин кIвалер" ва "чилин хуьрер" гафар са бязи чешмейрани дуьшуьш жезва. Халкьдин мецени и гафар амачиз туш. Амма а гафар мусанлай "къазма" гафуналди эвез хьанатIа лугьун четин я. Ихьтин процесс анжах XVIII виш йисан эхирра ва XIX виш йисан эвел кьилера кьиле финиф мумкин я. И фикирдихъ са бязи маса авторарни шерик я.


Гьа инал лагьана кIанда хьи, "къазмаяр" лезгийри гьакIни санлай масанал куьч хьайила, тади кваз эцигнавай кIвалериз гайи тIвар я. Гуьгъуьнлай халкьди къазмаяр авай чкайрикай ара датIана менфят къачунай ва гьавиляй инра цIийи хуьрерин бине кутунай. Сифте чIавара къазмаяр анжах гьар хуьруьн вичин чилерал жедай. Гьавиляй цIийи ойконим куьгьне хуьруьн тIварцIихъ "къазма" гаф гилигна арадал къведай. Месела: КьепIир Къазмаяр, ДаркIуш Къазмаяр, Куьгьне Худат Къазмаяр ва икI мад. Амма тарихдай малум тирвал, гуьгъуьнин вахтара са лезги хуьруьн агьалийри маса хуьрерин, маса районрин чилерални Къазмаяр (хуьрер) кутунай. Гьавиляй "Къазмаяр" тIвар алаз кьилди хуьрер арадал атанай. Куьре пата 6 Къазмаяр хуьр хьанай. Абур Агъа СтIал, Кумухъ, Курхуьр (Куьрхуьр), Спик, Вини Арагъар ва Сиидар хуьрерин агьалийри бине кутур яшайишдин маканар тир. Гила и хуьрер садни амач ва абурун тIварар чи ойконимрин пассив фондуна гьатнава. И кар алай вахтунда Кьиблепатан Дагъустанда дуьшуьш жезвай агъадихъ галай микротопонимрини субутзава: Вини Къазмаяр, Къазмадал алай чкаяр, Къазмайрин чIур, Къазмайралай легъ ва мсб.

Къуба пата "Къазмаяр" тIвар ганвай 7 хуьр хьанай. Абурукай 3 Муьшкуьрдин, 2 Къубадин ва сад КцIарин чилерал кутунай. Гила и хуьрер амач. Амма абурукай са бязибурун бине кутур чкаяр малум я. Месела, Къубадин Къазмаяр хуьрерикай сад гилан Дерекъазма дагъдин, муькуьди Къазмаяй-лах дагъдин ценце хьанай. Идалай гъейри КцIара Ясаб Къазмаяр, "Пигьир-жал Къазмаяр, ЧIакIар Къазмаяр, Къубада Дигагь Къазмаяр, Уьшгуьн Къазмаяр, Хачмаза Ших Къазмаяр, "Пигьир Къазмаяр хьтин хуьрерни хьанай. Гила и хуьрерин тIварар чи ойконимрин пассив фондуна гьатнава.

Алай вахтунда Кьиблепатан Дагъустанда чпин тIварар "къазма" компонентди арадал гъанвай I7 лезги хуьр ава: Билбилхуьруьн Къазмаяр, Бутхуьруьн Къазмаяр, ДаркIуш Къазмаяр, Кучун Къазмаяр, КьепIир Къазмаяр, Миграгъ Къазмаяр, Муьгъверган Къазмаяр, Пиперхуьруьн Къазмаяр, СтIалрин Къазмаяр, "Пагьирахуьруьн Къазмаяр, Хужадхуьруьн Къазмаяр, Хтун Къазмаяр, Хуьрел Къазмаяр. ЦIелегуьн Къазмаяр, Чахчах Къазмаяр, Ярагъ Къазмаяр, Къуба, КцIар ва Хачмаз районра лагьайтIа, исятда чпин тIварцIихъ "къазмаяр" компонент квай 6 хуьр ава: Хъимил Къазма, Куьснет Къазма, Куьгьне Худат Къазмаяр, Гьажи Къазма, Печет Къазмаяр, Къучагъ Къазма.

Къазмаяр хьиз ятахарни яшайишдин маканар яз эхиримжи виш йисара арадал атана. Л.Б.Панека кхьизвайвал, лезги чилерал малдарвал хуьруьн майишатдин хел хьиз къадим чIаварилай вилик фенвай. Абуру агъзуррал-ди хипер хуьзвай ва абурун суьруьяр къалин тир. Лезгийри чпин мал-къара гатуз яйлахра, хъуьтIуьз хъишлахра хуьдай. Гьавиляй и агьалийри яйлахра ва хъишлахра вахтуналди яз яшамиш хьун патал яшайишдин маканарни арадал гъанай. (Килиг: Л.Б.Панек. Жилище лезгин. // Материалы по этнографии Грузии, вып. IX. Тбилиси, I957).

Гьа инал къейд авуна кIанда хьи, "ятах" малдарри хъишлахра вахтуналди яз яшамиш хьун патал эцигнавай яшайишдин маканрин патав арадал гъанвай майишатдин эцигунриз лугьудай. Зулун эхирра, мекьивилер алукь-айла, йифиз хипер ятахра кутадай. Гьар ятахда 50 хеб жедай. (Надир Мамедов. Азербайжандин чкайрин тIварар (азербайжан чIалалди), Баку, I993. ч. 68).

Вахтуналди яз эцигай яшайишдин маканар хуьрериз элкъведай чIавуз инсанри а хуьрериз "Ятахар" тIвар гана. Чка атунивай ятахар арадал гъанвай хуьрерин агьалийри и гафунихъ чпин хуьруьн тIварни гилигна. Месела: Юирийрин Ятах ва мсб.

XIX виш йисан эхирралди лезгийрихъ Кьиблепатан Дагъустанда Ятахар тIвар алай 5 хуьр, Азербайжанда 7 хуьр авай. Куьредин ятахар тIвар алай хуьрер Кумухъ, АрхитI, Вини Къартас ва Спик хуьрерин агьалийри арадал гъанай. Абурукай Кумухъ хуьруьн ятахдиз КуртIлу ятах, АрхитIрин ятахдиз Къистеран ятахни лугьудай. Азербайжанда Ятахар тIвар алай хуьрер Къу-бадин Дигагь, Хъимил, КцIарин Гьил, "Пигьир хуьрерин агьалийри ва худат-вийри къадим Пел хуьр алай чкадал кутунай. И чкадиз исятдани Пел Ятах лугьуда.

Амай пуд Ятах хуьр (абуруз Агъа Ятахар, Кьулан Ятахар ва Вини Ятахарни лугьудай) са шумуд лезги хуьруьн агьалийри гилан Ятах дере лугьузвай чилерал кутунай. Къадим девирра Ятах дере чIехи алишверишдин дере хьиз сейли тир. Базар Дуьзидинни Базар Юртдин арада экIя хьанвай и дередин яргъивал 9 километр я. Гьелелиг археологар и дередин хуьрерин амукьайрихъ гелкъвенвач. Амма дередай тIуз фидайла, ина са шумуд хуьруьн амукьаяр авайди ачухдиз чир жезва.

Исятда I2 Ятах хуьруькай садни амач. Куьре пата "ятах" компонент квай 3 хуьр - Юирийрин Ятах, Луткун Ятах, Цилингрин Ятах ва Къуба пата са хуьр - Ятахуба (Хачмаз район) ава. Инал "Ятах" компонент чIехи гьарфуни-лай кхьин дуьшуьшдин кар туш. Сифте чпин бине кутурла а хуьрериз Ятах тIвар ганай. Гуьгъуьнлай и тIварцIихъ хуьрерин тIварарни гилигнай. Чи хуьрерин тIварара дуьшуьш жезвай компонентрикай садни "палас" я.

Садбуру лезги чIалаз и гаф урус чIалай атанвайди я лугьузва ва гьавиляй чна урусрин "полоса" гафуникай "паласа" хьиз менфят къачузвайди къалур-зава. И кардихъ авсиятда ихьтин веревирдер ийиз жеда. Сад лагьайди, и гаф халкьдин меце кьве жуьреда - "палас" ва "паласа" хьиз гьатнава. Кьвед лагьайди, адет яз, маса чIаларай гафар яшайишда цIийи затIар, гьерекатар пайда хьайила къачуда. Яни маса халкьарин цIийи затIарихъ галаз чна абурун тIварарни къачузва. Гьа идалди чIала цIийи гафар, цIийи манаяр ара-дал къведа. Пуд лагьайди, чна урусривай "полоса" гаф къачунвач. Вучиз лагьайтIа чахъ ихьтин мана къалурдай "зул" гаф ава. Чка атайла чна адан "яргъи чIук", "яргъи гуьтIуь чIук" хьтин синонимрикайни менфят къачузва. Кьуд лагьайди, лезгийри чпин хуьрериз гьамиша лезги тIварар ягъайди я. Дегиш хьанвай тIварарни чна ваъ, масадбуру чпин чIаларив кьадайвал дегишарнавайди я. Гьавиляй чи бубайри цIийиз бине кутур хуьруьз "Полоса" хьтин тIвар гун акьулди кьатIундай кар туш.

"Палас" гафунин этимология чирун патал чи чIалан "пал" гафуниз вил вегьен. И гафунихъ кьве мана ава: I) са низ ятIани ганвай ва я кьилди чара авунвай мулк; 2) тум цанвай чка. Гила са бязи тарихар рикIел хкин. Инкъилабдилай вилик урус пачагьдин буйругъдалди хуьруьн мулкуникай чара авуна кьилдин варлу лежберриз мулкар гудай. Идакай пачагьдин гьукумат-дин метлеб гьахьтин лежберрикай пачагьлугъдиз даях, куьмек жедай кулакар, хуьруьн девлетлуяр арадал гъун тир. А чIавуз кьилди чара авунвай ихьтин мулкуниз "пал", гзафвилин кьадарда "палар" лугьудай. Гуьгъуьнлай палаз кIвалахиз фейибуру ина са кьадар хуьрерни кутунай. Абуруз палаз фейибур, цIийи хуьруьз Палаз лугьудай. Гунугин падежда ишлемишнавай и гафунин эхиримжи сес /з/ гуьгъуьнлай рахунра вансуз /с/ сесиналди эвез хьана. Ахпа гафунин эхирдихъ /а/ сесни гилигна. Гьа икI "пал" гафуникай "палаз", "палас", "паласа" гафар арадал атана. Фольклорда гафунин пуд жуьрени дуьшуьш жезва. Месела: I) "Палаз фейи кIани къелем, Зи вил ама рекьерал ви"... 2) "Паласдавай къембидин тар, Къушар алаз атIумир яр"... 3) "Дагъларихъай атай шагьвар, Паласада акъваз хьана"...

Микротопоним ва ойконим хьизни и гаф кьве жуьреда къелемдиз къачунва: "Палас" ва "Паласа". Профессор Р.И.Гьайдарова "дугун", "ягъв", "гуьне", "кал", "сув", "кьер", "къеле" ва маса ихьтин гафар хьиз, "паласа"ни адетдин умуми гаф тирди ва адакай са шумуд гафуникай арадал атанвай микрото-понимра геноним хьиз менфят къачузвайди къейд ийизва. (Килиг: Гьайда-ров Р.И. Введение в лезгинскую ономастику. Махачкала, I996. ч. 22.). И фикирдихъ галаз тамамвилелди рази хьунухь мумкин туш. Вучиз лагьайтIа са береда чи чилерал Палас(а) тIвар алаз кьилди хуьрер арадал атанай. Тарихдин чешмейрай малум тирвал, гьеле I583 ва I60I-йисара Къубадин Агъбил хуьруьн патав, Паласа лугьудай чкада туьркверинни фарсарин кьу-шунрин арада чIехи дявеяр хьанай. (Килиг: Гасан эфенди Алкадари. Аса-ри Дагестан. Махачкала, I994. ч.60-6I). Аквазвайвал, урусар чи чилерал къведалди чахъ "паласа" гаф авай ва и гафунин "полоса" гафунихъ галаз са алакъани авач. Чешмейра Палас(а) тIвар алай 6 хуьр дуьшуьш жезва. Идалай гъейри чахъ Агъа Палас, Кьулан Палас, Вини Палас, ЧIехи Палас, Муьшкуьр Палас, Гелер Палас хьтин хуьрерни хьанай.

Гьа икI чи ойконимрихъ къадим тарих авайди ва абур жуьреба-жуьре рекьералди арадал атайди, гьеле чи эрадал къведалди лезгийрихъ шумудни са чIехи хуьрерни шегьерар хьайиди, дегь чIаварин (чи эрадал къведалди V - чи эрадин IV виш йисар), юкьван асиррин (V-XV виш йисар) ва XVI-XX асиррин чешмейра лезгийрин вишералди хуьреринни шегьеррин тIварар гьатнавайди асасдиз къачуна чавай абурун агъадихъ галай умуми сиягь туькIуьриз жеда.


ЧИ ХУЬРЕРИН ВА ШЕГЬЕРРИН TIBAPAP (ДЕГЬ ЧIАВАРИЛАЙ КЪЕДАЛДИ)


Абрух

Аваз

Аванар

Аваран (2 хуьр)

Аваран Къазма

Аваран хъишлах

Аварануба

Агар

Агъа Арагъ

Агъа АрхитI

Агъа ЗахитI

Агъа Захур

Агъа КIунтI

Агъа Калунхуьр

Агъа Лакар

Агъа Леки

Агъа Макьар

Агъа Манкъулидхуьр

Агъа Палас

Агъа Пел

Агъа СтIал (Агъа Кра)

Агъа Тигьиржал

Агъа Тала

Агъа Филфили

Агъа хуьр

Агъа Хъартас

Агъа Хъишлах

Агъа ЦIийихуьр

Агъа ЦIинитIар

Агъа Ярагъ

Агьа Ятахар

Агьабур

Агьавердиуба

Агьарегьимуба

Агьауба

Агьаширинуба

Агьлаб

Агьул

Агьмалуба

Агьмедуба

Азадугъли

Аладаш

Алам (шегьер)

Алан

Алас (шегьер)

Аласпел

Алибег хъишлах

Алибегахуьр

Алидхуьр

Алимамедуба

Алиханапел

Алкьвадар

Алпан (2 хуьр)

Алпан хъишлах

Алпануба

АмиркIам

АмгНаш

АмгНаш Тала

Амсар (2 хуьр)

Амсар Къазма

Амухъ

Андугъ

Андугъ Тала

АнтIар

Арагъ

Арзу (3-отд. Къуба район)

Арсугъ

Арабляр

АрхитI

АрцI хуьр

Асадахуьр

Асалдхуьр

АскIан пел

Атлухан

Атлухануба

Ахир (шегьер)

Ахир Докъузпара

Ахцегь (шегьер)

Ахцегь Къазмаяр

Ахцегь пел

Ахцегьуба

Ашар

Ашахуьр

Бабутахуьр

Багьал

Байрамкавха

Байуба

Бала КцIар

Бала КцIар хъишлах

Барбарахуьр

Барзу

Барлы (2-отделение, Къуба район)

Бармак (2 хуьр)

БатIахуьр

Бахцугъ

Баш Лайски

Бег Хъишлах

БедиркIеле

Бедугъ

Бейлийан

Бекье

Белидж

Берекахуьр

Бехруькьар

Бигер

Бикахуьр

Билбилахуьр

Билбилахуьруьн Къазмаяр

Билисан (шегьер ва хуьр)

Бугъам

Бугъда тепе

Будугъ

Буйнуз

БукIур

Бургъун

Буркихан

Буршагъ

Бурши Макьар

Бутахуьр

Бутахуьруьн Къазмаяр

Былых

Вагьабахуьр

Вандам

Варнагь

Вегьне

Вегьряхъ

Векьелар

Венг

Вердиханпел

Вини Калунхуьр

Вини Арагъ

Вини АрхитI

Вини Гуьне

Вини ЗахитI

Вини Захурар

Вини КIунтI

Вини Къазмаяр

Вини Лакар

Вини Леки

Вини Макьар

Вини Палас

Вини СтIал

Вини Тигьиржал

Вини Тала

Вини хуьр

Вини Хъартас

Вини Хъишлах

Вини ЦIийихуьр

Вини ЦIинитI

Вини ЧIилихъар

Вини Ярагъ

Вини Ятахар

Виниуба

Виттихъар

Владимировка (Куьгьне Куьснет)

Вурвар

Вурвар Тала

ГадацIийихуьр

Газард КIам

Ганар

Гандурар

Гарагь

Гаргар (Кьаркьар КIеле)

Гаргар (Кьаркьар)

Гаргар майдан (Кьаркьар майдан)

Гаргаруба (Кьаркьаруба)

ГатIахуьр

ГатIунхуьр

ГацIахуьр

ГацIапел

Гачалхуьр

Гаяр (2 хуьр)

Гдум (Гыткым)

Гдунг

Гез

Гел

Гелавар

Гелагь

Гелан

Гел да (шегьер)

Геле яйлах

Гелез

Гел ел

Гелен (4 хуьр)

Гелен КIунтI

Геленпел

Геленхуьр

Гел ер

Гелер Палас

ГелмецI

Гелтехъ

Гелхен

Гелягъ

Гензе

Герей

Герей хъишлах

Герейханов

Герелпел

Герен

Герсел

Гилгил

Гили

Гил иг

Гилис

Гилиспел

Гилияр

Гирведхуьр

Гияр (шегьер)

Грар

ГунтIар (2 хуьр)

Гурсан (шегьер ва хуьр)

Гурсулу

Гуьндуьгар

ГуындуьзкIеле

Гуьне (8 хуьр)

Гуьнепел

ГуьртIе

Гъверш хуьр

ГъвечIи Дегьне

ГъвечIи Силибир

ГъвечIи Тала

Гъегъе

Гъенер

Гъенерчай

Гъенехъ

Гъепцегь

Гъетегъ

Гъугъам

Гъугъарук

Гъурам

Гъурум

Гъутана хуьр

Гъуьгъвез

Гъуьлягъдпел

Гъуьшен

Гьабибхуьр

Гьаджалахуьр

Гьажи Къазма

Гьажигьетемли

Гьажимамедуба

Гьажихуьр

Гьамишхуьр

Гьанар

Гьапут (2 хуьр)

Гьасадхуьр

Гьасана хуьр

ГьасанкIеле (2 хуьр)

Гьасануба

Гьатем хъишлах

Гьатемуба

Гьачатала

Гьезерхуьр

Гьезре

Гьезреуба

Гьерек

Гьил

Гьил заводдин хуьр

Гьил хъишлах

Гьилуба

Гьов

Гьсун

Дабур

Дабур хъишлах

Давдакьан

Давлатан хуьр

Давудуба

Дагълы

Дагьар (6 хуьр)

Даьдхуьр

Данахъар

Дардархуьр

ДаркIуш

ДаркIуш къазмаяр

Дарша

Дасхуьр

Даутахуьр

Даштицур

Девела (гилан Дедели)

Дегьне

Демирар

Дерекъазма

Джуьгьел

Дивахуьр

Дигагь (Лезги Дигагь)

Дигагь Къазмаяр

Дигагь хъишлах

Дигагьуба

Дизахлы

Докъузпарадин Макьар

Друштул

Дувар

Дулдух

Дуружа

ДутIхуьр

ДуцIахуьр

Дуьгуьр

Дуьз хъишлах

Еленовка

Еникент

Енилик

Еркер

Ерцел

Жангъу (Истису)

Жанидхуьр

Жек

Жигъжигъ

ЖигьитI

Загъар

Зардаб

ЗахитI

Захур

Зиза

Зилдагъ

Зинданмуругъ

Зинданмуругъ хъишлах

Зиригъ

Зутаргъ

Зуьгьрабахуьр

Ивигар

Игъир

Идрисуба

Илису

Илиехуьр

Ирид

Искендеранпел

Испик (Спик, 2 хуьр)

Ихрек

ИчIа

Ичегь

Ичин

Йаргу (шегьер)

Какал

Кал

Калапад

Калахуьр

Калук

Калунхуьр

Камарван (Къемерван)

Камархуьр (2 хуьр)

Камахъ

Карцар

Кае

Касаван

Касан (шегьер)

Касрук

Касахуьр

Касуба

Кашанхуьр

Квард

Квардал (Куьре)

Кекенхуьр

Келбенд

Келентеруба

Кемеч

Керимуба

Керимханар

Керимхуьр

Кефахуьр

Кешхуьр

Кикинхуьр

Кипижар (Куьпчал)

Кириг

Кирк

Кис

Кичер

Кичан

Кире

Кра (Куьре, шегьер)

Крар

Кркар

Кркун

Кузун

Кузун хъишлах

Кузунуба

Кукваз

Кул ар

Кумухъ (2 хуьр)

Кунгъур

Курд кIеле

Курдул

КуркIурхуьр

Куркар

Куркун

Куркунуба

Курхуьр (Куьрхуьр)

Кутул

КутIуц

Куцун

Кучумахуьр

Кучун

Кучун къазмаяр

Куьгьне Худат (КцIар район)

Куьгьне Худат Къазмаяр

Куьгьне Худатуба

Кьулагь

Куьлехъар

Куьнцял

Курумуба

Куьснет (3 хуьр)

Куьснет Къазмаяр

Куьснетуба

Куьснет хъишлах

Куьрел (2 хуьр)

Куьрелуба

Куьрел хъишлах

Куьрелпел

Куьрер

Куьрхуьр

Куьрехуьр

Куьребахуьр

Куьрик (2 хуьр)

Куьргун

Куьрмух

Куьпчал хъишлах

Куьцуьн

Куьригъ Фита

КуьцIуьр

КуьтIуьс

КчIар

Кэл (Гирдман, шегьер)

Къай (шегьер ва хуьр)

Къайпел

Къавгъпел

Къавкас

Къакъу

Къаяпел

Къансав (3 хуьр)

Къарчугъ

Къадимахуьр

Къадима хъишлах

Къадашуба

Къаратуба

Къазмаяр (Куьреда 6, Къуба пата 7 хуьр)

Къазмалар (Къах район)

Къамбур

Къара Куьре

Къарбулух

Къалажух (КIелет, 3 хуьр)

Къаякент

КъадучIахуьр

Къазма яйлах

Къазихадхуьр

Къазиханпел

Къав (шегьер ва хуьр)

Къванан

Къванципел

Къежел

Къекъем

Къенерхуьр

Къелегагь

КъермецI

Къекъвенхуьр

Къирахли

Къирахуба

КъирицI

КъирицI Дегьне

Къуба (КIеле, шегьер)

Къуба

Къуба Макьар

Къурбанэфенди

Къурупел

КъуруцI

КъуруцI Тала

Къурдул

Къумхуьр

Къуйсун

Къурукал

Къуруш (Куьгьне)

Къуруш (ЦIийи)

Къутунгъ

Къучагъ

Къучагъар

Къучагъ Къазма

Къуллар

Къужум

Къутургъан

Къучум

Къумпере

Къурхмазуба

Къуьсув

Кьакь

КьакIар

КьакьанкъатвацI

Кьасумхуьр (2 хуьр)

Кьакьанхуьр

Кьасум Тала

Кьасум хъишлах

1   2   3   4   5   6   7   8   9



Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов