Темась: Кизоть пингонза поэзияса, живописьса, музыкаса. Цельсь icon

Темась: Кизоть пингонза поэзияса, живописьса, музыкаса. Цельсь



НазваниеТемась: Кизоть пингонза поэзияса, живописьса, музыкаса. Цельсь
Дата конвертации28.08.2012
Размер61.69 Kb.
ТипДокументы



Темась:

Кизоть пингонза поэзияса, живописьса, музыкаса.


Цельсь:

-касфтомс иттнень родной природати кельгомаснон;

- знакомондамс искусствань виттнень мархта, конат няфнесазь природать мазышинц;

- кемокстамс выразительна лувомань и корхтама маштомань навыкснон.


Оборудованиясь:

Кизонь пинкненди лемтьф мокшэрзянь и рузонь художникнень картинасна (презентация);

П.И. Чайковскяйнь «Времена года», Оливье Мессианонь «Пробуждение птиц», Римскяй-Корсаковонь «Полет шмеля» музыкань записьсна;

стихотворениянь сборникт; иттнень рисункасна, стихотворениясна.


^ Урокть молемац.


Учительть валоц:

Шабат, тячи минь мархтонт тихтяма путешествия календарть эзга и васеттяма поэттнень , композиторхнень, живописецнень произведенияснон мархта, конат лемтьфть кизоть пингонзонды. Шабат, кажнайть тинь ули кельгома пингонте. Кона кизонь пингсь сяда мялезонт и мес?

(^ Отвечай 2-3 тонафни).

- А кодама валмуворкст содатада кизонь пинкнень колга?

(Шабатне азондыхть валмуворкст).

I. Ушедсаськ путешествияньконь тялоть эзда, вдь тялонда ушеткшни эрь од кизось.

(^ Учительсь панчсы календарть)

Тяла…Ловсь ляпе, тёждя, паргана коверса комачазе эйндаф модать. Шуфттне щафт акша, лямбе щамса. Марнек перьфпяльсь бта уды ёфксонь онца.

- А кодама валса тинь ба няфтелесть тялоть мазышинц?

(Иттнень ответсна).

- Шабат, а пади кивок эздонт арьсесь стихотворенияня тялоть колга?

(Иттне азондыхть эсь стихотворенияснон эса).

- А тяни азондость минь мокшень поэтоньконь стихотворенияснон тялоть колга.

(Иттне азондыхть стихт тялоть колга.)


- Няйсасть, эрь авторсь эсь лацонза няфнесы тялоть. Да и кода лиякс, вдь тялоть, кода и кизонь лия пинкненге, эрь ковоц, эрь шиц эсь лацонне.

А тяни ванцаськ, кода няфнесазь тялоть художникне.

(Няфневихть рузонь художникнень картинасна)

- Шабат, сембе картинатнень, конань минь мархтонт ваноськ, сермадозь рузонь содаф художникт, а лятфтасьте, кодама минцень мордовиянь пяк содаф художник тинь содатада?


- Кие эдонт азонды Ф. В. Сычковонь эряфонь и творческяй кинц колга?

(^ Фкя тонафнись азондсы Ф.В. Сычковонь биографиянц.
)



- А тяни ванцаськ, кода няфнезе Сычков тялоть.

( Сычковонь тялоть колга картинанза).


- Сычковонь картинанзон эзда няеви, конашкава кельгозе сон шачема-касома крайнц, перьфпяльть.


- Шабат, давайте сяда лацкас ванцаськ фкя картинать.



- Кодама мяльхть сашендыхть тя картинать лангс ваномок?

- Кодама настроения максы тя картинась?

- Тялоть кодама особенностенза няфтьфть тя картинаса?

- Мезьса тялоть мазышиц?


_Шабанят, пяк мала ня стихотворениятненди, картинатненди содаф рузонь композиторть П.И. Чайковскяйнь музыкац. Кулхцондость «Времена года» композицияста «Декабрть».

(Иттне кулхцондыхть музыка).

-Шабанят, кода арьсетяда, мала тя музыкась няйф картинатненди и азонтф стихненди?

(^ Иттнень ответсна)

II. –Ётай тялось, и лямбе шинясь, шудерькскянь горнямась, нармонень весяла чильфсь азсазь, што сась тундась.

(Ётафтови календарть лопаняц)


- Тунда! Кодама мяльса учтама минь тя пингть эса? Мес кенярттяма саманцты?

(Иттнень ответсна).

Аряда ванцаськ, кода фкя церанясь пяк учезе тундать саманц.

(Сценка)

- А тяни ванцаськ, кода няфнесазь тундать художникне?

(^ Няфневихть рузонь художникнень картинасна, мекольдень картинась Коротковонь).

- Шабанят, а вдь Коротков минь земляконьке.




(^ Учительть валоц Коротковонь колга).

- Кода няфнесы тундать саманц Коротков эсь картинасонза?



(^ Иттне корхтайхть картинать колга).

-Шабат, кулхцондсаськ Оливье Мессианонь «Пробуждение птиц» композициянц. (Кулхцондови музыкась).


-Кодама чувстват кеподи эсонт тя музыкась?

(Шабатне корхтайхть).

- Кода няфнесазь тундать поэттне?

(Иттне азондыхть стихт тундать колга).

-Шабат, тинь сембе содасасть, што Данилова Ольгать стихотворениянза сидеста печатлакшневихть «Якстерь тяштеня» журналса. Журналть фкя номерсонза лиссь тундать колга пяк цебярь стихотворенияц. Аряда тердьсаськ Ольгань морафтомс сонь тейнек.

(^ Данилова Ольгась морафтсы стихотворениянц.)


III. Ётафтсаськ календарть тага фкя лопанянц. Киза…

Мезенкса тинь кельгсасть кизоть?

- Озада видеста, кониенть сельмонтень и арьседа, бта ульцяса июльть пец, шись эжди аф кирдемшка псиста, менельсь ару, аш фкявок коволня…

(^ Включандави Чайковскяйнь или Римскяй-Корсаковонь «Полет шмеля» музыкасна).

- А тяни азондость, кода композиторсь няфтезе июлень шить.

(Иттнень азондомасна).


А кода кизоть няфнесазь поэттне?

(Иттне азондыхть стихт кизоть колга).


-И стихотворениятнень, и картинатнень эса минь няйхтяма пефтома оцю кенярдема перьфпяльти, сюконяма сонь мазышинцты, кенярдема кизонь эрь шиняти. Искусствань произведениятнень эса природась живой, тарксесы ваймонц, и тяп як лац няеви и художникнень картинаснон эсовок..

( Няфневихть кизоти лемтьф картинат, лоткави Сычковонь «Жница» картинанцты)



- Давайте, шабат, корхтатама тя картинать колга.

-Мезе няйхтяда картинаса?

- А паксясь кода няфтьф?

- Шабат, минь мокшень композитороньке Василий Радионов сёрмадсь музыка Рая Орловать стихонзонды. Аряда кулхцондсаськ тя моронять.

(Иттне морасазь «Кизоня» мороть).


-Няйсасть, и художникне, и композиторхне, и поэттне эсь творчествасост мусть фкяня, штоба няфтемс кизоть пингонзон мазышиснон. Синь финцне звукса, омбонцне краскаса, а колмонцне валса заставасамазь минь сюконямс перьфпяльть мазышинц инголе.


IV. И календарть мекольдень лопаняц – тя сексесь. Золотань сёксе. Сембось перьфпяльса пращай шить, лямбть мархта и ёрай мекольцеда наряжамс сяда няевиста, штоба меле лама пингс каямс эсь праздниконь щамонц и пякстамс сонь тялоть сиянь арьзязонза.

-Давайте кулхцондсаськ П.И. Чайковскяйнь «Осенняя песнь» музыканц.

(Кулхцондови музыкась, музыкать фонца няфтевихть сексети лемтьф картинатне, башка мяль тонафтысь шарфты В. Петряшовонь картинанзон лангс и азсы , што сон шачсь и работай Мордовияса).




- Кодама мяль кеподихть эсонк ня картинатне и музыкась?

(Иттнень ответсна).

- Сёксеть кодама ковонц сембода кельгсасть и мезьса сонь мазышиц?

(Иттнень ответсна).

- А сексень кодама кофне аф пяк кельговихть тейнть и мезенкса?

(Иттнень ответсна).


-А тяни давайте кулхцонттама стихотвореният сёксеть колга.

(Иттне азондыхть стихт сексеть колга).


- Шабат, куду максфоль тейнть нинге фкя тев: рисовандамс рисункат. (Тонафтысь малады шабатнень рисункаснонды)

- Конашкава синь мазыхть! Ваномок лангозост, няеви, конашкава тинь кельгсасть перьфпяльть. Ваносте ва тя картинать. (^ Тонафтысь лоткай фкя картинать лангс, етафты беседа перьфпяльть кельгоманц, ванфтоманц колга)


V. Учительть мекольдень валоц.

Тячи минь мархтонт лувоме стихт, кулхцондоме музыка, корхтаме картинатнень колга, конатнень авторсна эрясть аф фкя пингоня, но сембонь синь пуроптсыне кельгомась эсь родинаснонды. Синь асусна пяк лац няемс и марямс сянь, мезе кяшф нола и равнодушнай ломанть инголе.

Стихотворениятне, музыкась, живописнай полотнатне панчсесазь тейнек тядянь-авань масторть мазышинц, тернесамазь минь ванфтомс семботь тянь, тонафтсамазь шарьхкодемс перьфпяльть кяленц.

Природась – тя чуда! И панчсеви сон аф сембонди, а аньцек ёню, ляпе вайме ломаттненди. Ёрада арамс тяфтама ломанькс!

Минь тонадоме аньцек сявомс природать эзда семботь, мезевок тейнза апак макст. Но семботь ули пец. Вятиенть жа прянтень тяфта, штоба пингонь етазь идентень идьсна няелезь тя мазышить и мярьгольхть: «Кодама мазы перьфпяльсь!»

И шумордаса уроконьконь Иван Кудашкинонь валонзон мархта:


Маштт кулхцондомонза природать,

Макст лихтибрянцты горняй Ки,

Ков вяти вирень яннясь, содак,

И тяк ужяльне сединь псить

Кить крайса касы пизелкскяти

Да келуняти сюконяк,

Да кеняртть панчфкянь эрь лисьфкяти –

И сатсак павазцень сияк!

VI. Итогсь.

VI. Кудонь тевсь. Сермадомс сочинения инь кельговикс кизонь пингть колга.




Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов