И курок сонь шачема шиц! icon

И курок сонь шачема шиц!



НазваниеИ курок сонь шачема шиц!
Дата конвертации28.08.2012
Размер43 Kb.
ТипУрок

Ошезти Инсарти.

Кельгома ошкять Инсарать

Тячи шачема шиц.

Арьсян мон тейнза пара,
Катк ули най салоц и кшиц.


Мон ошезти шачема шистонза

Седистон валдонять казьса.

Катк лама ули сонь вийдонза,

Да сембе цебярть арьсеса.


Катк сон вии гуленякс

Вишкста вяри лийкстай.

Павазуфт ломаттне улезат,-

Арьсян тяфта кармай най.


Тя ошсь пяк мазы и пара,

И ламонди макссь сон од ки,

А цебярь тевдонза, ватта, мзяра,

И курок сонь шачема шиц!

Панчфкя

Панжи панчфкясь,

Пееди шиняти.

Медень таньфкясь

Маряви мешкяти.


Панчфти пара –

Ули мес шинясь,

Мес пяк кенярди

Панчфкяти иднясь.


Панжи панчфкясь-

Киндиге аф шорси.

Аньцек цёфкскясь

Морнят тейнза морси.

Тунда.

Сон сась тя пингсь,

Мзярда кельгихть ломатть

Фкя-фкянь эса.

Мзярда панжихть саттне

И мазы морот

Морайхть цёфксне веса.

И вирське пижелгоды:

Шнафты палянц кальсь,

Мзярда моронц, мазы моронц

Морасы тундась.


^ Панчфонь эряф.

Васенцеда, васенцеда мирти

Венемсь панчфкясь:

Ащи ёмла, эвотьфкя,

Кода шабань ванфкясь.


Лопанянзон венепни

Панчфкясь ваксстонь тарадти.

Надияй няк, кенярди,

Кода шабась тядяти.


Ломаттне аф шарьхкодьсазь,

Кода эряфть сязьсазь:

Мазынять синь тапасазь,

Пара, кда казьсазь.


^ Од кизонь ила.

Тячи мекольце листкясь

Календарьста уже прась.

Кода пара, кода пара,

Мес Од кизось тага сась!


Тячи шабань хороводсь

Морай, кштий и налхкси.

А тянь инкса Якшам Атясь

Теест казнет макси.


^ Лопань пяярема.

Лопатне пяярихть

Кода од ловсь,

Шарондыхть, прашендыхть

Синь коза повсь.


То саворня, шарондозь,

Валомня люказь,

То вишкста и лиендезь

Модать лангс прайхть.


И вармась синь лийфтьсыне

Ичкоздень крайти,

Коса пяк лажаткшнихть

Кельгома кальти.


Ве.

Ковти аф ужяль сиясь,

Золод потмоса ульцясь.


Цёфкскясь тевонц содай:

Мор нюрямонь морай.


Оннясь велеть перьфкя шарсь,

Уды вармась, шудерькскясь,

Уды келазсь, уды варсись,

Сембось танцти онца матравсь.


^ Шачем крайса.

Медень кочкама кунара

Эряскоды мешсь.

Ватта, медняда мзяра

Панчфкять потмос кяшсь.


Сязьгатсь лии тяза-тоза

Кузста келуть лангс.

Всякай щявня пулось азы,

Лийфти куля канкс.


Кукуняське тарад лангса

Морай моронц няк.

Эхи пара шачем крайса,

Кельгса мон сонь пяк!

^ Жаворонкать мороц.

Жаворонкась паксять вельхксса

Пайгонякс цинняй,

Морай: шачем велеть кельгса,

Тяфта ули най!


Ёфси мороц сонь аф лоткси,

Ёфси аф юмай,

Лии морось, кода локсти,

Шачем крайнять шнай.


Тяла.

Тялось сась! Тялось сась!

Учи эсонк нурдонясь!

Локса комачаф ульцясь,

Нинге Од кизонь кузнясь!


Аф кунара Якшам атясь

Тага тевонзонды фатясь:

Ляйть лангс клянцень седня тись,

Пиндолды ни ляень кись.


Вирти акша вазь сон казсь,

Шнафты эсонза кузнясь.

Коленди и налхкси пинесь,

Ловти лажатсь марнек велесь.


^ Эрек ведня.

Эшисонк минь эрек веднясь,

Ну а таньфоц – ёфси медня!

Коль тон ведняда симат –

Бта одукс живондат!


Тишесь ляпе тоса кассы,

Эрек ведня эшись максы,

Жольфонц мархта ломатть терди,

Танцти ведьта сембонь симди.


Шить и веть сонь мороц гайняй;

Кие веденкс, кие ваймяй.

Вакссонза тефт сембе муйхть,

Пара мяльса меле туйхть.


^ Нолась и Гафтясь.

Весть Нолать кучезь паксяв сокамс,

А Нолать аш мялец работамс.
И корхни сембонь мархта:


- Эй, ялгат, мес трудятада тинь тяфта?

Ну ёфси шава прят!

Тон, ялгай, мезенди трудят?-

Кизефтезе Гафтянь.

Ся тейнза отвечась тяфта:

- Тон кулхцонтт лацкас, ялгай.

Мес кяльце аньцек лавгай?

Тон стяк и сокать сявк.

А мон трудян,штоб трямс семьять.

И дальше тусь трудяма.

А моралезе монь стама:

Коль кяльцень мархта тон китнят,

Тят шнафта пря, што лац трудят!

Урсь и розень товсь.

Фкя рыжай пулоня урнясь

Кать-кода розень товня няйсь.

Вирть кучкаста васта мусь,

Аф оцю варяв товнять путсь.

Сонць арьси:

«Товнять эзда розня кассы».

Да куду меки сон мрдась

И ламос ков-бди юмась.

Сась сексесь, и урнясь

Урожаень кочкама срхкась.

Сонць арьси:

«Кочкан товда кяскав!»

А тоса аяш мезьге!

Эрь басняса ули вдь мораль,

А сон Монь тяфтамоль:

Коль, ялгай, нолат тон, тят учсе урожай,

Сон небаста тейть коданга аф прай!

Мелавсь и мешсь.

Весть мазы мелавсь васьфтезе мешкять,

Да тейнза пшкядсь:

- Эх, меш, тон целай ши трудят,

А эсот мезьге цебярь аф муят.

А ватта монць: монь пацяневок мазыхть,

И тейне аньцек цебярь валнят азыхть,

А монць афи трудян,

Ащек, аф мазыть ваксста мон туян.

Сон тусь.

Да вастонц мода ватракшть пексть мусь;

Мзярс сон шнафнесь прянц,

Афи шарьхкодезе, кода сась зиянць!

Фалу тон мяляфтт аньцек фкя:

Тят шнафне, ялгай, шава пря.




Похожие:

И курок сонь шачема шиц! iconОчерк/ Сёрмадозе 10-це классонь тонафнись
Афи шарьхкодевсь, кода монцьке ни пачкодень кемонце классти. Курок сай пингсь кадомс шачема-касома велезень и тумс эсь кизень вешема....
И курок сонь шачема шиц! iconМарстонь паваз
Мольсь мартть кемонце шиц. Ушесь ульсь лямбе, но ловсь нинге аф марнек солась. Настя тячи стясь рана. Сон варжакстсь вальмава, штоба...
И курок сонь шачема шиц! iconУрок решения задач по теме механическая работа, энергия. Индивидуальные задачи «Копилка 10³класса» Федчина Юлия Дуэль Базарова и Павла Петровича
Петрович, но он промахнулся. Настала очередь стрелять Базарову. Он сделал шаг назад, и не целясь, нажал на курок. Начальная скорость...
Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов