Очерк/ Сёрмадозе 10-це классонь тонафнись icon

Очерк/ Сёрмадозе 10-це классонь тонафнись



НазваниеОчерк/ Сёрмадозе 10-це классонь тонафнись
Дата конвертации28.08.2012
Размер32.43 Kb.
ТипДокументы

МОУ «Кочетовскяй средняй общеобразовательнай школась»

Инсарскяй райононь Мордовия Республикань








/ ОЧЕРК/


Сёрмадозе

10-це классонь тонафнись

Акмайкина Екатеринась


2007 кизось


Пинге… Мезсь сонь корязонза сяда курокста лии? Афи шарьхкодевсь, кода монцьке ни пачкодень кемонце классти. Курок сай пингсь кадомс шачема-касома велезень и тумс эсь кизень вешема. Ужяль, но мезевок аф тият. Мон аноконди ни шарьхкодьса, конашкава карман лажадома велезенди, сонь ломанензонды, кида цебярьхть, монь койсон, аш марнек Масторса.

Мон аф содаса, кода лия вастова, а минь велесонк ули ломань, конань кельгсазь, мон ба тага нинге мярьголень, почетандасазь сембе велеряйхне. Тя Асташкина Клавдия Васильевна. Сонь можна лемдемс веленьконь совестекс. И тя аф стак. Нильгемонь кизода ламос Клавдия Васильевна покодсь школасонк учителькс, касфтсь аф фкя поколения кочетовскяй идь; тонафтсь эсост аф аньцек лувома и морафтома, но и лездсь вешемс эряфса вастснон.

Клавдия Васильевненди кафксогемонь кафкса киза. Сон эряй аф ичкозе щавазень эзда. Лангс ванозь сон, рузкс мярьгомс, строгай. А мзярда кармань содамонза сяда маласта, няине, конашкава ёню, ляпе седи тя ломанць.

Клавдия Васильевнанди сатсь аф тёждя эряфонь ки. Шачсь сон тяса, Кочетовкаса, ичкоздень 1919 кизоня. Шумордась начальнай школань ниле класст и тусь тонафнема сяда тов. Эста, 30-це кизотнень пингста, сембе вастова панчсевсть ШКМт – крестьянскяй молодежень школат. Тяфтама школа ульсь Инсар ошсовок. Тяса сон и тонафнесь. Сяльде шумордазе Инсарскяй педучилищать и 1937 кизоня мрдась шачема велезонза, кярьмодсь работама школав учительницакс.

Тяфта ни лиссь, што Клавдия Васильевна минь велесонк васенце учительницась. «Тонафнида школаса ульсь пяк лама, а классне ёмланят, теснат. Тонафнихне (а ётксост ульсь аф кржа и оцюдовок) озсефт кувака шра ваксс эземга. Сисемце класса озадотольхть монцень ялгане, ровесниконе. Аф теждя ульсь вятемс урокть. Занятиятне мольсть шобдаваста илядьс. Монь койсон, одксшись лездсь сяськомс сембе сталмотнень»,- лятфни Клавдия Васильевна. Тяни васенце учениконза кунара ни арасть атякс и бабакс, а сон синь мяляфтсыне иднякс, конань тонафтсь кирдемс кядьсост карандашть, сермадомс васенце букватнень, валхнень.

1938 кизоня Клавдия Васильевна лиссь рьвакс. Алексей Григорьевич Кечкин работась школасонк завучекс. Мирдец корхтазе Клавдия Васильевнань тумс эряма од васту – Оренбургскяй области. Эста ламонц од ломаттне тушендсть тоза, коса эрявихть Родинати, целинав работама. Од вастсовок Алексей Григорьевич работась школаса завучекс, а Клавдия Васильевна – учительницакс. Тяса синь шачсь церанясна – Валерий. Но павазсна аф кувакаль.
1940 кизоня мирденц сявозь служама армияв. Алексей Григорьевич участвовандась Финскяй войнаса, а тоса курокста кеподсь и Великай Отечественнайсь…

Пяк стака ульсь Клавдия Васильевнанди чужой масторса, и 1941 кизоня, сёксенда, сон мрдась шачема велезонза. Вастт школаса ашельхть, сяс Клавдия Васильевнань кучезь работама шабра вели, В. Лухмав. Кафта кизода меле, 1943 кизоня сонь ётафтозь Кочетовскяй школав. Пенсияс тумозонза, нильгемонь кизода ламос, Клавдия Васильевна работась минь школасонк начальнай классонь учительницакс. Сембе виензон, седиенц путнезе работати. «Аф ся воспитаниясь, штоба кальдявста тиендемс тевозень»,- корхни Клавдия Васильевна.

Сон казьф медальса «За доблестный труд в Великой Отечественной войне», «За доблестный труд», «Ветеран труда» и тага нинге кой-мзяра медальса и Почетнай грамотаса. Но Клавдия Васильевна аф стама ломанць, штоба шнафнемс пря эсь заслуганзон мархта. Сонь касы мялец эсь учениконзон инкса, вдь кой-кона семьяса тонафнесь 3-5 шаба. Клавдия Васильевна най корхни, што настоящяй учительсь аф аньцек максси урокт, но и марнек эряфонц, прянь вятеманц мархта тонафты шабатнень цебярти, мазыти. Эсь седи пакшканц казенди итттненди и лядонды седисост валда лятфнембялькс.

Монь нинге мялезе азомс сянь, што Клавдия Васильевна «Мокшаваня» хороньконь пуроптыец. Сон пяк кельгсы мораманц, мазы вайгяленц кулендезь аф аньцек минь велеряйньке, но и Москусовок, Татарияса, Финляндияса, Горькайса и лама лия вастова. Кельгома мороц Клавдия Васильевнань «Есть на Волге утёс». «Морти кельгомать мон кандыне марнек эряфозень пачк. Морсь стака пингста эжнезе седизень, макссесь вийхть кирдемс сталмотнень. И касы мялезе, мес войнада мельдень вача кизотнень минь, учительхне, пуроптоськ тя коллективть. Катк и сяда тов касфни ломаттнень мяльснон»,- корхтай Клавдия Васильевна.

Асташкина Клавдия Васильевнань колга можна корхтамс пефтома ламос. Минь пара мялезонк, што велесонк ули тяфтама ломань, кона лезды зиянцта и радовай мархтот павазста. Кадок ламоняс эряй Клавдия Васильевна, павазу улеза эрь шиняц!




Похожие:

Очерк/ Сёрмадозе 10-це классонь тонафнись iconСценка Арьсезь: 7-це классонь тонафнихне
Устя баба якафты вокзалть ваксса, ученды автобус. Сашендсь инжикс церанц пяли. Якафты и сюци эсь прянц
Очерк/ Сёрмадозе 10-це классонь тонафнись iconКраткий очерк экклезиологических и юрисдикционных споров греческой старостильной церкви и их историческая связь с судьбами Русской Православной Церкви Предисловие
Краткий очерк экклезиологических и юрисдикционных споров греческой старостильной церкви
Очерк/ Сёрмадозе 10-це классонь тонафнись iconДокументы
1. /Кр-очерк.rtf
Очерк/ Сёрмадозе 10-це классонь тонафнись iconДокументы
1. /ОЧЕРК 1.doc
Очерк/ Сёрмадозе 10-це классонь тонафнись iconДокументы
1. /Нэцке - краткий очерк символики.djvu
Очерк/ Сёрмадозе 10-це классонь тонафнись iconДокументы
1. /Израиль. Краткий исторический очерк.txt
Очерк/ Сёрмадозе 10-це классонь тонафнись iconДокументы
1. /lenin/В.И.Ленин Краткий биографический очерк.doc
Очерк/ Сёрмадозе 10-це классонь тонафнись iconДокументы
1. /Краткий очерк по истории анархизма.txt
Очерк/ Сёрмадозе 10-це классонь тонафнись iconДокументы
1. /Капица С.П. - Очерк теории роста человечества (1999).pdf
Очерк/ Сёрмадозе 10-це классонь тонафнись iconДокументы
1. /Кара - Мурза C. - Далековато от Москвы. Очерк..doc
Разместите кнопку на своём сайте:
Документы


База данных защищена авторским правом ©podelise.ru 2000-2014
При копировании материала обязательно указание активной ссылки открытой для индексации.
обратиться к администрации
Документы

Разработка сайта — Веб студия Адаманов